RR vs PBKS: சாம்சனின் சதம் வீண்…பஞ்சாப் த்ரில் வெற்றி!

Punjab Kings beat Rajasthan Royals by 4-runs in a last-ball thriller
Punjab Kings beat Rajasthan Royals by 4-runs in a last-ball thriller

ஐபிஎல் 14ஆவது சீசன் 4ஆவது லீக் போட்டியில் லோகேஷ் ராகுல் தலைமையிலான பஞ்சாப் கிங்ஸ் அணியும், சஞ்சு சாம்சன் தலைமையிலான ராஜஸ்தான் ராயல்ஸ் அணியும் மோதின. இப்போட்டியில் டாஸ் வென்ற ராஜஸ்தான் அணி பந்துவீச்சைத் தேர்வுசெய்தது. இதன்படி, பஞ்சாப் அணியின் துவக்க வீரர்களாக லோகேஷ் ராகுலும் மயங்க் அகர்வாலும் களமிறங்கினர். முதல் விக்கெட்டுக்கு 22 ரன்கள் மட்டுமே சேர்த்த நிலையில் 2.4 ஓவர்களில் பஞ்சாப் அணி தனது முதல் விக்கெட்டை இழந்தது. 14 ரன்கள் எடுத்த நிலையில் சேட்டன் சகாரியா பந்தில் அகர்வால் ஆட்டமிழந்தார்.

பின்னர், ராகுலுடன் ஜோடி சேர்ந்த ’யுனிவர்சல் பாஸ்’ கிறிஸ் கெய்ல் அதிரடி காட்டினார். இந்த ஜோடி அதிரடியாக விளையாடி 67 ரன்கள் சேர்த்த நிலையில், கெய்ல் 40 ரன்களில் அவுட் ஆகி வெளியேறினார். மறுபுறம் சிறப்பாக விளையாடிய ராகுல் அரைசதம் கடந்தார். அவருடன் இணைந்து அதிரடி காட்டிய தீபக் ஹூடாவும் அரைசதம் கடந்து அசத்தினார். சிறிது நேரத்திலேயே தீபக் ஹூடாவும் அவுட் ஆனார். அவர் 28 பந்துகளில் 4 பவுண்டரி 6 சிக்ஸருடன் 64 ரன்கள் எடுத்தார்.

வந்த வேகத்திலேயே நிகோலஸ் பூரான் டக் அவுட் ஆகி வெளியேற பஞ்சாப் அணிக்கு நெருக்கடி ஏற்பட்டது. 18ஆவது ஓவரை வீசிய கிறிஸ் மோரிஸ் இரண்டு விக்கெட்டுகளை வீழ்த்தினார். சிறப்பாக விளையாடிக் கொண்டிருந்த ராகுல் சதமடிப்பார் என்று எதிர்பார்க்கப்பட்ட நிலையில், கடைசி ஓவரில் 91 ரன்களுக்கு வெளியேறினார். இறுதியில் பஞ்சாப் அணி 20 ஓவர்கள் முடிவில் 6 விக்கெட் இழப்புக்கு 221 ரன்கள் எடுத்தது. புதுமுக வீரரான சேட்டன் சகாரியா 3 விக்கெட் வீழ்த்தினார்.

ஸ்டோக்ஸ் ரன்கள் எதுவும் எடுக்காமலும், மேனன்ஓரா 12 ரன்கள் சேர்த்து பெவிலியன் திரும்பினார்கள். இதனால், ராஜஸ்தான் அணிக்கு நெருக்கடி ஏற்பட்டது.

இந்த இக்கட்டான நிலையில் களமிறங்கிய கேப்டன் சாம்சன் பொறுப்புடன் விளையாடத் துவங்கினார். சாம்சன் தொடர்ந்து அதிரடி ஆட்டத்தை வெளிப்படுத்தி சதம் விளாசினார். இறுதியில் ராஜஸ்தான் வெற்றிபெற 6 பந்துகளில் 13 ரன்கள் தேவைப்பட்டது. அர்ஷ்தீப் சிங் முதல் மூன்று பந்துகளை சிறப்பாக வீசினார். இதனால், கடைசி மூன்று பந்துகளில் 11 ரன்கள் தேவை என்னும் நிலை ஏற்பட்டது. அப்போது சாம்சன் சிக்ஸர் விளாசினார். அடுத்த இரண்டு பந்துகளை எதிர்கொண்ட சாம்சன் ஒரு பந்தில் ரன் எதுவும் எடுக்காமலும், அடுத்த பந்தில் அவுட் ஆகியும் அதிர்ச்சியளித்தார். இதனால், பஞ்சாப் அணி நான்கு ரன்கள் வித்தியாசத்தில் த்ரில் வெற்றிபெற்றது.

Be the first to comment on "RR vs PBKS: சாம்சனின் சதம் வீண்…பஞ்சாப் த்ரில் வெற்றி!"

Leave a comment

Your email address will not be published.


*