MI vs RR: ஸ்டோக்ஸ், சாம்சன் அதிரடி: ராஜஸ்தான் அணி மிரட்டல் வெற்றி!

மும்பை இந்தியன்ஸ், ராஜஸ்தான் ராயல்ஸ் அணிகளுக்கு இடையேயான டி20 போட்டியில் ராஜஸ்தான் அணி வெற்றி பெற்றுள்ளது

ஐபிஎல் 13ஆவது சீசன் 45ஆவது லீக் போட்டியில் பென் ஸ்டோக்ஸ், சஞ்சு சாம்சன் இருவரும் பார்ட்னர்ஷிப் அமைத்து அதிரடியாக விளையாடியதால், ராஜஸ்தான் ராயல்ஸ் அணி 8 விக்கெட்கள் வித்தியாசத்தில் அபார வெற்றிபெற்றது. மும்பை இந்தியன்ஸ் அணி 5 விக்கெட்கள் இழப்பிற்கு 195 ரன்களும், ராஜஸ்தான் ராயல்ஸ் அணி 18.2 ஓவர்களில் 2 விக்கெட்களை இழந்து 196 ரன்களும் எடுத்தது.

196 ரன்கள் மெகா இலக்கை துரத்திக்கொண்டு களமிறங்கிய ராஜஸ்தான் ராயல்ஸ் அணியில் பென் ஸ்டோக்ஸ், சஞ்சு சாம்சன் இருவரும் பார்ட்னர்ஷிப் அமைத்து அதிரடியாக விளையாடினர். பென் ஸ்டோக்ஸ் 60 பந்துகளில் 3 சிக்ஸர், 14 பவுண்டரிகள் விளாசி 107 ரன்களும், சஞ்சு சாம்சன் 31 பந்துகளில் 54 ரன்களும் எடுத்து அணியை வெற்றிப்பாதை நோக்கி அழைத்துச் சென்றனர்.

அபுதாபியில் டாஸ் வென்ற மும்பை இந்தியன்ஸ் முதலில் பேட் செய்ய முடிவு செய்து களமிறங்கியது. இஷான் இஷன் 36 பந்துகளில் 37 ரன்கள் சேர்த்து ஆட்டமிழந்தார். குவின்டன் டி காக் 6 ரன்கள் மட்டுமே எடுத்தார். சூர்யகுமார் யாதவ் அதிரடியாக விளையாடி 26 பந்துகளில் 40 ரன்கள் சேர்த்து அசத்தினார். மறுமுனையில் சௌரப் திவாரி 34 ரன்கள் விளாசினார்.

கடைசி நேரத்தில் களமிறங்கிய ஹார்திக் பாண்டியா 21 பந்துகளில் 7 சிக்ஸர், 2 பவுண்டரிகள் விளாசி 60 ரன்கள் சேர்த்தார். இதனால், மும்பை இந்தியன்ஸ் அணி 20 ஓவர்கள் முடிவில் 5 விக்கெட்களை இழந்து 195 ரன்கள் எடுத்தது.

196 ரன்கள் எடுத்தால் வெற்றி என்ற மெகா இலக்கை நோக்கி களமிறங்கிய ராஜஸ்தான் ராயல்ஸ் அணி துவக்கம் முதலே சிறப்பாக விளையாடியது. ராபின் உத்தப்பா 13 ரன்கள் சேர்த்து பெவிலியன் திரும்பினார். கேப்டன் ஸ்டீவன் ஸ்மித் 11 ரன்கள் மட்டும் சேர்த்தார்.

அடுத்துக் களமிறங்கிய பென் ஸ்டோக்ஸ், சஞ்சு சாம்சன் இருவரும் பார்ட்னர்ஷிப் அமைத்து ரன் மழை பொழிந்தனர். பென் ஸ்டோக்ஸ் 60 பந்துகளில் 3 சிக்ஸர், 14 பவுண்டரிகளுடன் உட்பட 107 ரன்கள் குவித்து அசத்தினார். மறுமுனையில் சஞ்சு சாம்சன் 31 பந்துகளில் 3 சிக்ஸர், 4 பவுண்டரிகளுடன் 54 ரன்கள் சேர்த்தார். இதனால், ராஜஸ்தான் ராயல்ஸ் அணி 18.2 ஓவர்களில் 2 விக்கெட்களை மட்டும் இழந்து 196 ரன்கள் எடுத்து 8 விக்கெட்கள் வித்தியாசத்தில் வெற்றிபெற்றது.

Be the first to comment on "MI vs RR: ஸ்டோக்ஸ், சாம்சன் அதிரடி: ராஜஸ்தான் அணி மிரட்டல் வெற்றி!"

Leave a comment

Your email address will not be published.


*