MI vs DC: விக்கெட் மழை பொழிந்த பும்ரா, போல்ட்… ஃபைனலுக்கு முன்னேறியது மும்பை!

ஐபிஎல் 13ஆவது சீசனின் முதல் பிளே ஆஃப் சுற்றில் ஜஸ்பரீத் பும்ரா, டிரன்ட் போல்ட் ஆகியோர் சிறப்பாகப் பந்துவீசியதால் மும்பை இந்தியன்ஸ் 57 ரன்கள் வித்தியாசத்தில் அபார வெற்றிபெற்றது.துபாயில் இன்று நடைபெற்ற முதல் பிளே ஆஃப் சுற்றின் முதல் போட்டியில் டாஸ் வென்ற டெல்லி கேப்பிடல்ஸ் அணி பந்துவீச முடிவு செய்தது.

முதலில் களமிறங்கிய மும்பை இ்ந்தியன்ஸ் அணியின் ரோஹித் ஷர்மா ரன்கள் எதுவும் எடுக்காமல் ஆட்டமிழந்து அதிர்ச்சியளித்தார்.இருப்பினும், மற்ற பேட்ஸ்மேன்கள் சிறப்பான ஆட்டத்தை வெளிப்படுத்தினர். விக்கெட் கீப்பர் குவின்டன் டி காக் 25 பந்துகளில் 40 ரன்கள் எடுத்து ஆட்டமிழந்தார். அடுத்து, பார்டர்னர்ஷிப் அமைத்து விளையாடிய சூர்யகுமார் யாதவ் மற்றும் இஷான் கிஷன் ஆகியோர் ரன் மழை பொழிந்தனர்.

சூர்யகுமார் 51 ரன்களும், இஷான் கிஷன் 55 ரன்களும் எடுத்தனர். இறுதியில் ஹார்திக் பாண்டியா 14 பந்துகளில் 37 ரன்கள் சேர்த்தார். இதனால், மும்பை இந்தியன்ஸ் அணி 20 ஓவர்கள் முடிவில் 5 விக்கெட்களை இழந்து 200 ரன்கள் எடுத்தது.ரவிச்சந்தின் அஸ்வின் மூன்று விக்கெட்களை கைப்பற்றி அசத்தினார். பெரிதும் எதிர்பார்க்கப்பட்ட காகிசோ ரபடா விக்கெட்கள் எதுவும் எடுக்கவில்லை.

200 ரன்களை துரத்திக்கொண்டு களமிறங்கிய டெல்லி கேபிடல்ஸுக்கு துவக்கமே அதிர்ச்சிகரமாக அமைந்தது. பிரித்வி ஷா, ஷிகர் தவன், அஜிங்கிய ரஹானே ஆகியோர் ரன்கள் எதுவும் எடுக்காமல் ஆட்டமிழந்து பெவிலியன் திரும்பினர். கேப்டன் ஷ்ரேயஸ் ஐயர் 12 மட்டும் சேர்த்தார்.

மறுமுனையில் மார்க்கஸ் ஸ்டாய்னிஸ் 46 பந்துகளில் 3 சிக்ஸர், 6 பவுண்டரிகள் விளாசி 65 ரன்கள் விளாசி அவுட் ஆனார். அக்ஷர் படேல் தனது பங்கிற்கு 42 ரன்கள் சேர்த்தார்.
அடுத்துக் களமிறங்கியவர்கள் சிறப்பாக சோபிக்காத காரணத்தினால், டெல்லி கேபிடல்ஸ் அணி 20 ஓவர்கள் முடிவில் 8 விக்கெட்களை இழந்து 143 ரன்கள் மட்டும் சேர்த்து பரிதாபமாகத் தோற்றது.

முதல் பிளே ஆஃப் சுற்றில் தோல்வியடைந்துள்ள டெல்லி கேபிடல்ஸ் அணிக்கு மீண்டும் ஓர் வாய்ப்பு கொடுக்கப்படும். நாளை நடைபெறவுள்ள எலிமினேஷன் சுற்றில் பெங்களூர், ஹைதராபாத் அணிகள் மோதவுள்ளன.
இதில் வெற்றிபெறும் அணியுடன் ஞாயிறு அன்று டெல்லி அணி மோதும். இதில் வெற்றிபெறும் அணி செவ்வாய்க்கிழமை நடைபெறவுள்ள இறுதிப் போட்டியில் மும்பை இந்தியன்ஸ் அணியுடன் பலப்பரீட்சை நடத்தும்.

மூத்த வீரர்களில் ஒருவர் சிறப்பாக விளையாடியிருந்தாலும், மும்பை அணி பந்துவீச்சாளர்களுக்கு நெருக்கடி ஏற்பட்டிருக்கும்.

Be the first to comment on "MI vs DC: விக்கெட் மழை பொழிந்த பும்ரா, போல்ட்… ஃபைனலுக்கு முன்னேறியது மும்பை!"

Leave a comment

Your email address will not be published.