MI vs DC: நோ-பால் ட்விஸ்ட், பும்ரா சொதப்பல்…டெல்லி அபார வெற்றி!

Delhi Capitals beat Mumbai Indians by 6-wickets
Delhi Capitals beat Mumbai Indians by 6-wickets

மும்பை இந்தியன்ஸ் அணிக்கு எதிரான போட்டியில் டெல்லி கேபிடல்ஸ் அணி 6 விக்கெட்கள் வித்தியாசத்தில் அபார வெற்றிபெற்றுள்ளது.

நடப்பு ஐபிஎல் சீசனின் 13ஆவது போட்டியில் இன்று மும்பை இந்தியன்ஸ் அணியும் டெல்லி கேபிடல்ஸ் அணியும் மோதின. இதில் டாஸ் வென்ற மும்பை அணி கேப்டன் ரோஹித் ஷர்மா பேட்டிங்கைத் தேர்வுசெய்தார். இதன்படி, ரோஹித் ஷர்மாவும் குயிண்டன் டிகாக்கும் துவக்க வீரர்களாகக் களமிறங்கினர். ஆட்டத்தின் இரண்டாவது ஓவரிலேயே ஸ்டாய்னிஸ் பந்தில் டிகாக் ஒரு ரன்னுக்கு வெளியேறினார். பின்னர் சூர்யகுமார் யாதவ் களமிறங்கி ரோஹித்துடன் ஜோடி சேர்ந்தார். இந்த ஜோடி இரண்டாவது விக்கெட்டுக்கு 58 ரன்கள் எடுத்தது.

அணியின் ஸ்கோர் 8.4 ஓவர்களில் 3 விக்கெட் இழப்புக்கு 76 ஆக இருந்தது. அதே ஓவரில் ஹார்திக் பாண்டியாவையும் வெளியேற்றி அதிர்ச்சியளித்தார் சிறப்பாகப் பந்துவீசிய அமித் மிஸ்ரா 4 விக்கெட்களைச் சாய்த்தார். கடைசி நேரத்தில் ஜெயந்த் யாதவ் 22 பந்துகளில் 23 ரன்கள் எடுத்ததால் மும்பை அணி 100 ரன்களைக் கடந்தது.

மும்பை அணி தனது 20 ஓவர்கள் முடிவில் 9 விக்கெட்களை இழந்து 137 ரன்கள் மட்டுமே எடுத்தது. மும்பை அணியில் 4 பேர் மட்டுமே இரட்டை இலக்க ரன்களை எடுத்தனர்.

இலக்கைத் துரத்தி களமிறங்கிய டெல்லி கேபிடல்ஸ் அணியில் துவக்க வீரர் பிரித்வி ஷா 5 பந்துகளில் 7 ரன்கள் மட்டும் அடித்து பெவிலியன் திரும்பினார். இதனால், டெல்லி அணிக்கு துவக்கத்திலேயே நெருக்கடி ஏற்பட்டது. இதனை சமாளிக்கும் வகையில் ஷிகர் தவன், ஸ்டீவன் ஸ்மித் இருவரும் நிதானமாக விளையாடினர். ஸ்மித் 33 (29) ரன்கள் மட்டும் சேர்த்து ஆட்டமிழந்தார். தொடர்ந்து ஷிகர் தவனும் 42 பந்துகளில் 45 ரன்கள் எடுத்து பெவிலியன் திரும்பினார்.

யாதவ் (22), ஹெட்மயர் (10) இருவர் மட்டும் கடைசிவரை களத்தில் இருந்து அணியை வெற்றிப்பாதை நோக்கி அழைத்துச் சென்றனர். அணி வெற்றிபெற 18 பந்துகளில் 22 ரன்கள் தேவைப்பட்டது. முதல் ஓவரில் 7 ரன்கள் அடிக்கப்பட்டது. அடுத்து பும்ரா ஓவரில் இரண்டு நோபால்கள் வீசிப்பட்டது. இதனால், அந்த ஓவரில் 10 ரன்கள் வரை கசிந்தது. கடைசி ஓவருக்கு 5 ரன்கள் தேவைப்பட்ட நிலையில் பொல்லார்ட் வீசிய முதல் பந்து பவுண்டரிக்கு சென்றது. அடுத்த பந்தை நோபாலாக வீசினார். இதனால், டெல்லி கேபிடல்ஸ் அணி 19.1 ஓவர்கள் முடிவில் 138/4 ரன்கள் சேர்த்து 6 விக்கெட்கள் வித்தியாசத்தில் அபார வெற்றிபெற்றது.

Be the first to comment on "MI vs DC: நோ-பால் ட்விஸ்ட், பும்ரா சொதப்பல்…டெல்லி அபார வெற்றி!"

Leave a comment

Your email address will not be published.


*