Ind vs Eng: உலக சாதனை படைப்பாரா ’கிங்’ கோலி?

உலக சாதனை படைப்பாரா ’கிங்’ கோலி?
உலக சாதனை படைப்பாரா ’கிங்’ கோலி?

இங்கிலாந்துக்கு எதிரான கிரிக்கெட் தொடர் மூலம் விராட் கோலி உலக சாதனை படைப்பார் என எதிர்பார்க்கப்படுகிறது.

விராட் கோலி கடந்த ஆண்டில் ஒரு சதம் கூட விளாசவில்லை. கடைசியாக, ஆஸ்திரேலிய அணிக்கு எதிரான நான்கு போட்டிகள் கொண்ட டெஸ்ட் தொடரின் முதல் போட்டியில் மட்டும் பங்கேற்றுவிட்டு, தனது மனைவியின் பிரசவத்தின்போது அருகில் இருப்பதற்காக நாடு திரும்பினார். அதன்பிறகு, தற்போது இங்கிலாந்து அணிக்கு எதிராக 4 டெஸ்ட், 3 ஒருநாள், 5 டி20 போட்டிகளில் பங்கேற்கும் இந்திய அணியை வழிநடத்தவுள்ளார்.

கோலி இந்திய அணியின் கேப்டனாக பொறுப்பேற்று இதுவரை, ஒருநாள் போட்டிகளில் 21 சதம், டெஸ்டில் 20 சதம் என மொத்தம் 41 சதங்களை (191 இன்னிங்ஸ்) பூர்த்தி செய்து, கேப்டனாக 41 சதங்கள் அடித்த ரிக்கி பாண்டிங் சாதனையைச் சமன் செய்துள்ளார். எதிர்வரும் இங்கிலாந்து அணிக்கு எதிரான தொடரில் ஒரு சதம் கடந்தாலும், கோலி புது உலக சாதனை படைப்பார். இதனால், இத்தொடரில் அவர் மீது எதிர்பார்ப்பு எகிறியுள்ளது.

மூன்றாவது இடத்தில் தென்னாப்பிரிக்காவின் கிரேம் ஸ்மித் (33 சதம்), அடுத்தடுத்த இடங்களில் ஆஸ்திரேலியாவின் ஸ்டீவன் ஸ்மித் (20), மைக்கேல் கிளார்க் (19), மேற்கிந்தியத் தீவுகள் அணியின் முன்னாள் கேப்டன் பிரைன் லாரா (19) ஆகியோர் உள்ளனர்.

  1. விசாகப்பட்டினம் டெஸ்ட் (2016):

2016ஆம் ஆண்டில் விசாகப்பட்டினத்தில் நடைபெற்ற இங்கிலாந்துக்கு எதிரான இரண்டாவது டெஸ்ட் போட்டியில் கேப்டன் விராட் கோலி 167 ரன்கள் குவித்து, இந்திய அணிக்கு 246 ரன்கள் வித்தியாசத்தில் வெற்றியைப் பெற்றுக்கொடுத்தார்.

  1. மும்பை டெஸ்ட் (2016):

தொடரின் நான்காவது டெஸ்ட் போட்டியில் இங்கிலாந்து பௌலர்களை வெளுத்து வாங்கி 235 ரன்கள் குவித்து அசத்தினார். இதனால், இன்னிங்ஸ் மற்றும் 36 ரன்கள் வித்தியாசத்தில் இங்கிலாந்து படுதோல்வியைச் சந்தித்தது. இறுதியில், 5 போட்டிகள் கொண்ட டெஸ்ட் தொடரில் இங்கிலாந்து அணி 4-0 எனத் தோல்வியைத் தழுவியது குறிப்பிடத்தக்கது.

  1. பிர்மிங்கம் டெஸ்ட் (2018):

பிர்மிங்கம்மில் நடைபெற்ற இங்கிலாந்துக்கு எதிரான டெஸ்ட் போட்டியில் விராட் கோலி கேப்டனாக மூன்றாவது சதத்தை (149 ரன்கள்) பூர்த்தி செய்தார். இருப்பினும், அப்போட்டியில் இங்கிலாந்து அணி 31 ரன்கள் வித்தியாசத்தில் வெற்றிபெற்றது.

  1. நாட்டிங்கம் டெஸ்ட் (2018):

நான்கு போட்டிகள் கொண்ட டெஸ்ட் தொடரில் இந்திய அணி 0-2 என பின்னிலையில் இருந்தபோது, மூன்றாவது டெஸ்ட் இரண்டாவது இன்னிங்ஸில் விராட் கோலி 103 ரன்கள் குவித்து அணிக்கு 203 ரன்கள் வித்தியாசத்தில் வெற்றியைப் பெற்றுக் கொடுத்தார்.

Be the first to comment on "Ind vs Eng: உலக சாதனை படைப்பாரா ’கிங்’ கோலி?"

Leave a comment

Your email address will not be published.


*