Ind vs Aus: ஷர்துல், சுந்தர் அரை சதம்…இந்தியா ஆல்-அவுட்!

இந்தியா, ஆஸ்திரேலியா இடையிலான நான்காவது டெஸ்டின் முதல் இன்னிங்ஸ் நிறைவடைந்தது. வாஷிங்டன் சுந்தர் மற்றும் ஷர்துல் தாக்கூர் ஆகியோர் 123 ரன்களைச் சேர்த்தது, ஆஸ்திரேலியாவின் முதல் இன்னிங்ஸை நெருங்க இந்தியாவுக்கு உதவியது, ஆனால் இறுதியில், பார்வையாளர்கள் 33 ரன்களுக்கு குறைந்துவிட்டனர், ஏனெனில் இந்தியா 336 ரன்களுக்கு ஆட்டமிழந்தது.

பிரிஸ்பேனில் நடைபெற்று வரும் இந்தியாவுக்கு எதிரான நான்காவது (கடைசி) டெஸ்டில் ஆஸ்திரேலிய அணி பேட்டிங் தேர்வு செய்து, முதல் இன்னிங்ஸில் 369/10 ரன்கள் குவித்தது. அதனைத் தொடர்ந்து களமிறங்கிய இந்திய அணி 336 ரன்கள் சேர்த்து ஆல்-அவுட் ஆன நிலையில், இரண்டாவது இன்னிங்ஸ் விளையாடி வரும் ஆஸ்திரேலிய அணி 20/0 ரன்கள் எடுத்து 53 ரன்கள் முன்னிலை பெற்றுள்ளது. தற்போது மூன்றாவது நாள் ஆட்டம் நிறைவடைந்துள்ளது.

மூன்றாம் நாள் இரண்டாவது செஷன் முடிவில் வாஷிங்டன் சுந்தர் 35 (80), சர்தூல் தாகூர் 24 (54) களத்தில் இருந்தனர். இருவரும் வழக்கமான அதிரடியைக் கடைசி செஷனிலும் தொடர்ந்ததால் ஆஸ்திரேலிய பௌலர்கள் நெருக்கடியுடன் பந்துவீசினார்கள். இந்த பார்ட்னர்ஷிப் 100+ ரன்களை கடந்து அசத்தியது.

தொடர்ந்து சிறப்பாக விளையாடிய ஷர்துல் தாகூர் சிக்ஸர்கள், பவுண்டரி விளாசி 67 (115) ரன்கள் எடுத்து ஆட்டமிழந்தார். மறுமுனையில் வாஷிங்டன் சுந்தர் அற்புதமான வகையில் பேட்டிங் செய்ததால் அணியின் ஸ்கோர் உயரத்துவங்கியது. இவரும் 62 (144) ரன்கள் சேர்த்த நிலையில் பெவிலியன் திரும்பினார். சுந்தருக்கு இது அறிமுகப் போட்டி என்பது குறிப்பிடத்தக்கது.

அறிமுகப் போட்டியிலேயே 50+ ரன்கள் மற்றும் 3 விக்கெட்களை கைப்பற்றிய இரண்டாவது இந்திய வீரராகச் சுந்தர் திகழ்கிறார். இதற்குமுன், 1947-48ஆம் ஆண்டில் ஆஸ்திரேலிய அணிக்கு எதிராகத் தட்டு பட்கர் என்பவர் 51 ரன்கள் சேர்த்து, 3 விக்கெட்களையும் கைப்பற்றியிருந்தார்.

ஷர்துல், சுந்தர் ஆட்டமிழந்ததைத் தொடர்ந்து நவ்தீப் சைனி 5 (14), முகமது சிராஜ் 13 (10) ஆட்டமிழந்தனர். இதனால், முதல் இன்னிங்ஸில் இந்திய அணி 336 ரன்கள் மட்டும் சேர்த்து 33 ரன்கள் பின் தங்கியது.

ஜோஸ் ஹேசில்வுட் 5 விக்கெட்களை கைப்பற்றினார். மிட்செல் ஸ்டார்க், பேட் கம்மின்ஸ் தலா இரண்டு விக்கெட்களை சாய்த்தனர். 100ஆவது டெஸ்ட் போட்டியில் களம் கண்ட சுழற்பந்து வீச்சாளர் நாதன் லைன் ரோஹித் ஷர்மாவை மட்டும் வீழ்த்தினார்.

முதல் இன்னிங்ஸ் முடிந்துள்ள நிலையில் ஆஸ்திரேலிய அணி தற்போது இரண்டாவது இன்னிங்ஸ் களமிறங்கியுள்ளது. டேவிட் வார்னர் 19* (21), மார்கஸ் ஹேரிஸ் 1* (13) களத்தில் உள்ளனர். மூன்றாவது நாள் ஆட்டம் நிறைவடைந்துள்ளது.

Be the first to comment on "Ind vs Aus: ஷர்துல், சுந்தர் அரை சதம்…இந்தியா ஆல்-அவுட்!"

Leave a comment

Your email address will not be published.


*