CSK VS RCB: சிஎஸ்கே மிரட்டல் வெற்றி…முதலிடத்திற்கு முன்னேறி அசத்தல்!

Jadeja’s all-round show help- CSK beat RCB by 69 runs
Jadeja’s all-round show help- CSK beat RCB by 69 runs

ராயல் சேலஞ்சர்ஸ் பெங்களூர் அணிக்கு எதிரான லீக் போட்டியில் சென்னை சூப்பர் கிங்ஸ் அபார வெற்றிபெற்றது. ஐபிஎல் 14ஆவது சீசன் 19ஆவது லீக் போட்டியில் ராயல் சேலஞ்சர்ஸ் பெங்களூர் அணிக்கு எதிராக டாஸ் வென்ற சென்னை சூப்பர் கிங்ஸ் அணி முதலில் பேட்டிங் தேர்வு செய்து 191/4 ரன்கள் குவித்து, 69 ரன்கள் வித்தியாசத்தில் அபார வெற்றபெற்றது. ஜடேஜா ஓரே ஓவரில் 36 ரன்கள் குவித்து அசத்தினார். மேலும், 4 ஓவர்கள் வீசி ஒரு மெய்டன் உட்பட 13 ரன்களை மட்டும் விட்டுக்கொடுத்து 3 விக்கெட்களை கைப்பற்றி அதிரடி காட்டினார்.

துவக்க வீரர்களாக ருதுராஜ் கெய்க்வாட், ஃபாஃப் டு பிளஸி ஆகியோர் களமிறங்கினர். கடந்த போட்டியைப் போலவே இப்போட்டியிலும் சிறப்பான துவக்கம் தந்தனர். பவர்பிளேவில் மொத்தம் 4 பௌலர்களை ஆர்சிபி பயன்படுத்தியது. முகமது சிராஜ், கைல் ஜேமிசன், யுஜ்வேந்திர சாஹல், நவ்தீப் சைனி ஆகியோர் முதல் 6 ஓவர்களை வீசினார்கள். பவர் பிளேவில் சிறப்பாக பந்துவீசக் கூடிய வாஷிங்டன் சுந்தருக்கு ஓவர்கள் வழங்கப்படவில்லை.

ஓபனர்கள் இருவரும் அதிரடியாக விளையாடி வந்த நிலையில், சாஹல் வீசிய ஆட்டத்தின் 10ஆவது ஓவரில் ருதுராஜ் 33 (25) ஜேமிசனிடம் கேட்ச் கொடுத்து ஆட்டமிழந்தார். இருப்பினும், மறுமுனை ஓபனர் டு பிளஸியின் அதிரடி எவ்வித மாற்றமும் இல்லாமல் தொடர்ந்தது. 40 பந்தில் அரை சதம் கடந்தார். விக்கெட்களை விரைந்து வீழ்த்தினால் மட்டுமே சிஎஸ்கேவின் ஸ்கோர் வேகத்திற்கு முட்டுக்கட்டை போட முடியும் எனக் கருதப்பட்ட நிலையில் விராட் கோலி, ஹர்ஷல் படேல் மீது நம்பிக்கை வைத்து 14ஆவது ஓவரை வீசக் கொடுத்தார். அவரும், வேகம் குறைந்த பந்தை பயன்படுத்தி சுரேஷ் ரெய்னா 24 (18), ஃபாஃப் டு பிளஸி 50 (41) இருவரையும் அடுத்தடுத்த பந்துகளில் வீழ்த்தி பெவிலியனுக்கு அனுப்பினார். இதனால் ஆட்டத்தின் போக்கு ஆர்சிபிக்கு சாதகமாக மாறத் துவங்கியது.

அந்த நேரத்தில் நெருக்கடியை சமாளித்து விளையாடிய அம்பத்தி ராயுடு மற்றும் ஜடேஜா இருவரும், கைல் ஜேமிசன் வீசிய 16ஆவது ஓவரில் 17 ரன்களை விளாசினர். ராயுடு தொடர்ந்து சிறப்பாக விளையாடி வந்த நிலையில் 7 பந்துகளில் 14 ரன்கள் எடுத்து ஆட்டமிழந்தார். இதனால் போட்டி மொத்தமாக ஆர்சிபி கட்டுப்பாட்டிற்குள் சென்றது. 200 ரன்கள் அடிக்க அதிக வாய்ப்பிருந்தும் பேட்ஸ்மேன்கள் அடுத்தடுத்த ஆட்டமிழந்ததால், ஸ்கோர் உயர்வில் தொய்வு ஏற்பட்டது.

இப்போட்டியில் வெற்றிபெற்றதன் மூலம் சென்னை சூப்பர் கிங்ஸ் அணி 8 புள்ளிகளுடன் (+1.612) முதலிடத்திற்கு முன்னேறியுள்ளது.

Be the first to comment on "CSK VS RCB: சிஎஸ்கே மிரட்டல் வெற்றி…முதலிடத்திற்கு முன்னேறி அசத்தல்!"

Leave a comment

Your email address will not be published.