CSK vs PBK: தோனிக்கு 200ஆவது போட்டி…பஞ்சாப்பை பங்கம் செய்து அபார வெற்றி!

Deepak Chahar Faf du Plessis guide, Chennai Super Kings to 6-wicket win over Punjab Kings
Deepak Chahar Faf du Plessis guide, Chennai Super Kings to 6-wicket win over Punjab Kings

பஞ்சாப் கிங்ஸ் அணிக்கு எதிரான போட்டியில் சென்னை சூப்பர் கிங்ஸ் 6 விக்கெட்கள் வித்தியாசத்தில் அபார வெற்றிபெற்றது.

ஐபிஎல் 14ஆவது சீசனின் 8ஆவது லீக் போட்டியில் பஞ்சாப் கிங்ஸ் அணிக்கு எதிராக டாஸ் வென்ற சென்னை சூப்பர் கிங்ஸ் அணி பந்துவீச்சைத் தேர்வு செய்தது. முதலில் களமிறங்கிய பஞ்சாப் அணியில் துவக்க வீரர்கள் மயங்க் அகர்வால் 0 (2), கே.எல் ராகுல் 5 (7) இருவரும் அடுத்தடுத்து ஆட்டமிழந்தனர். இதனால், பஞ்சாப் அணிக்கு துவக்கத்திலேயே நெருக்கடி ஏற்பட்டது. இதனைச் சாதகமாக பயன்படுத்திக்கொண்ட சிஎஸ்கே பௌலர்

தீபக் சாஹர் பந்துகளை தாறுமாறாக ஸ்விங் செய்து கிறிஸ் கெய்ல் 10 (10), தீபக் ஹூடா 10 (15), நிகோலஸ் பூரன் 0 (2) போன்றவர்களை அடுத்தடுத்து பெவிலியனுக்கு அனுப்பினார்.

இதனால் அணிக்கு கடும் பின்னடைவு ஏற்பட்டுத்திது. அடுத்துக் களமிறங்கியவர்களில் ஷாருக்கான் மட்டும் 47 (36) ஓரளவுக்குத் தாக்குப்பிடித்து விளையாடினார். மற்றவர்கள் சொதப்பியதால் பஞ்சாப் அணி 20 ஓவர்கள் முடிவில் 106/8 ரன்கள் மட்டுமே எடுத்தது. தீபக் சாஹர் 4 ஓவர்கள் வீசி 13 ரன்களை மட்டும் விட்டுக்கொடுத்து 4 விக்கெட்ளை கைப்பற்றி அசத்தினார். சாம் கரன், மொயின் அலி, டுவைன் பிராவோ ஆகியோரும் சிறப்பாகப் பந்துவீசி தலா ஒரு விக்கெட்டை வீழ்த்தினார்கள்.

எளிய இலக்கைத் துரத்தி களமிறங்கிய சென்னை அணியில் ருதுராஜ் கெய்க்வாட் 5 ரன்கள் மட்டும் சேர்த்து ஆட்டமிழந்தார். அடுத்து ஃபாஃப் டு பிளஸி, மொயின் அலி இருவரும் பார்ட்னர்ஷிப் அமைத்தனர். மொயின் அலி 31 பந்துகளில் 46 ரன்கள் சேர்த்து ஆட்டமிழந்தார். டு பிளஸி 30 பந்துகளில் 33 ரன்கள் சேர்த்து இறுதிவரை களத்தில் இருந்தார். 4ஆவது இடத்தில் களமிறங்கிய சுரேஷ் ரெய்னா தனது பங்கிற்கு 8* ரன்கள் எடுத்தார். இதனால், சென்னை சூப்பர் கிங்ஸ் அணி 14 ஓவர்கள் முடிவில் 107 ரன்கள் சேர்த்து 6 விக்கெட்கள் வித்தியாசத்தில் அபார வெற்றிபெற்றது.

சிஎஸ்கே கேப்டன் மகேந்திரசிங் தோனிக்கு இது 200ஆவது போட்டியாகும். இப்போட்டியில் சென்னை அணி மாஸ் வெற்றிபெற்றதற்கு ரசிகர்கள் இணையம் மூலம் வாழ்த்துக்களைத் தெரிவித்து வருகிறார்கள்.

சிஎஸ்கே அணியின் முன்னாள் வீரர் ஷேன் வாட்சன் வெளியிட்ட ட்வீட்டில், “தோனி 200ஆவது போட்டியில் அடியெடுத்து வைக்கிறார். வெற்றிபெற வாழ்த்துக்கள்” எனத் தெரிவித்திருந்தார் என்பது குறிப்பிடத்தக்கது.

Be the first to comment on "CSK vs PBK: தோனிக்கு 200ஆவது போட்டி…பஞ்சாப்பை பங்கம் செய்து அபார வெற்றி!"

Leave a comment

Your email address will not be published.