CSK vs KKR: 9 வருடங்களாக தொடரும் சோகம்…கொல்கத்தா மீண்டும் தோல்வி!

Chennai clinch the thriller, win by 18-runs at Wankhede
Chennai clinch the thriller, win by 18-runs at Wankhede

கொல்கத்தா நைட் ரைடர்ஸ் அணிக்கு எதிரான போட்டியில் சென்னை சூப்பர் கிங்ஸ் அணி அபார வெற்றிபெற்றுள்ளது.

ஐபிஎல் 14ஆவது சீசன் 15ஆவது லீக் போட்டியில் சென்னை சூப்பர் கிங்ஸ் அணிக்கு எதிராக டாஸ் வென்ற கொல்கத்தா நைட் ரைடர்ஸ் அணி முதலில் பந்துவீச முடிவு செய்தது.

சென்னை சூப்பர் கிங்ஸ் அணியில் துவக்க வீரர்களாக ருதுராஜ் கெய்க்வாட், ஃபாஃப் டு பிளஸி ஆகியோர் களமிறங்கினர். ருதுராஜ் கடந்த மூன்று போட்டிகளிலும் சிறப்பாக செயல்படவில்லை. இதனால், இன்றைய போட்டியில் திறமையை நிரூபிக்க வேண்டிய கட்டாயத்தில் இருந்தார். இதன்காரணமாக, ருதுராஜ் மீது அதிக எதிர்பார்ப்பு இருந்தது. மறுமுனை துவக்க வீரர் டு பிளஸி இந்த சீசனில் சிறப்பான துவக்கம் தந்து வருகிறார்.

இன்றைய போட்டியில் இருவரும் அதிரடியாக விளையாடினர். இந்த பார்ட்னர்ஷிப் பவர் பிளேவையும் தாண்டி நீடித்தது. இதனால், கொல்கத்தா அணி பௌலர்கள் நெருக்கடியுடன் பந்துவீசினர். இறுதியில், சிஎஸ்கே 115/0 ரன்களை எடுத்திருந்தபோது ருதுராஜ் 64 (42) ஆட்டமிழந்தார். அடுத்து களமிறங்கிய மொயின் அலி முதல் பந்திலிருந்தே அதிரடி காட்டிய நிலையில் 12 பந்துகளில் 25 ரன்கள் அடித்து பெவிலியன் திரும்பினார்.

4ஆவது இடத்தில் சுரேஷ் ரெய்னா களமிறங்குவார் என எதிர்பார்க்கப்பட்டது. ஆனால், கேப்டன் தோனி களமிறங்கி, டு பிளஸியுடன் பார்ட்னர்ஷிப் அமைத்து செயல்பட்டார். தோனி 17 (8) எடுத்து ஆட்டமிழந்த போதும், மறுமுனையில் டு பிளஸி அதிரடியாக விளையாடி 95* ரன்கள் எடுத்தார். இறுதியில் சென்னை சூப்பர் கிங்ஸ் அணி 20 ஓவர்கள் முடிவில் 220/ 3 ரன்கள் குவித்தது.`

பேட் கம்மின்ஸ் 4 ஓவர்கள் வீசி 58 ரன்களை வாரி வழங்கினார். பிரசித் கிருஷ்ணா உட்பட மற்ற பௌலர்களும் அதிக ரன்களை விட்டுக்கொடுத்தனர். மெகா இலக்கைத் துரத்திய சென்னை கொல்கத்தா நைட் ரைடர்ஸ் அணியில் முதல் 5 பேட்ஸ்மேன்கள் ஒற்றை இலக்க ரன்கள் மட்டுமே அடித்தனர். அடுத்து தினேஷ் கார்த்திக், ஆண்ட்ரே ரஸ்ஸல் இருவரும் பார்ட்னர்ஷிப் அமைத்து விளையாடினர். ரஸ்ஸல் 22 பந்துகளில் 54 ரன்கள் விளாசி அசத்தினார். அடுத்து தினேஷ் கார்த்திக் 24 பந்துகளில் 40 எடுத்து பெவிலியன் திரும்பினார். ​இருப்பினும், சென்னை சூப்பர் கிங்ஸ் அணி சாமர்த்தியமாக பந்துவீசி டெய்ல் என்டர்ஸ் விக்கெட்களை வீழ்த்தியது. இதனால் , கொல்கத்தா நைட் ரைடர்ஸ் அணி 19.1 ஓவர்கள் முடிவில் 202/10 ரன்கள் மட்டும் சேர்த்து 18 ரன்கள் வித்தியாசத்தில் தோல்வியைச் சந்தித்தது.

Be the first to comment on "CSK vs KKR: 9 வருடங்களாக தொடரும் சோகம்…கொல்கத்தா மீண்டும் தோல்வி!"

Leave a comment

Your email address will not be published.


*