CSK vs DC: துவக்க வீரர்கள் அதிரடி ! அசலாட்டாக வெற்றிபெற்ற டெல்லி அணி!

ஐபிஎல் 14ஆவது சீசனின் இரண்டாவது லீக் போட்டியில் சென்னை சூப்பர் கிங்ஸ் எதிராக டாஸ் வென்ற டெல்லி கேபிடல்ஸ் அணி முதலில் பந்துவீச்சைத் தேர்வு செய்தது.

சென்னை சூப்பர் கிங்ஸ் அணியில் துவக்க வீரர்களாக ருதுராஜ் கெய்க்வாட், ஃபாஃப் டூ பிளஸி ஆகியோர் களமிறங்கினர். இருவரும் அதிரடி காட்டுவார்கள் என எதிர்பார்த்த நிலையில் ருதுராஜ் 5 ரன்கள் சேர்த்தும், டூ பிளஸி ரன்கள் எதுவும் எடுக்காமல் எல்.பி.டபிள்யூ ஆகி ஆட்டமிழந்து பெவிலியன் திரும்பினர்.

அடுத்துக் களமிறங்கிய மொயின் அலி, சுரேஷ் ரெய்னாவும் பார்ட்னர்ஷிப் அமைத்து அணியை மெல்ல சரிவிலிருந்து மீட்கத் துவங்கினார்கள்.

இப்போட்டியில் ரெய்னா 4ஆவது இடத்தில் களமிறங்கினார். இவர் எப்போதுமே 3ஆவது இடத்தில்தான் களமிறங்குவார். 2016ஆம் ஆண்டிற்குப் பிறகு முதல்முறையாக மூன்றாவது இடத்தை தவிற மற்ற இடத்தில் களமிறங்கியுள்ளார்.

ரெய்னா ஆட்டமிழந்தப் பிறகு களமிறங்கிய அம்பத்தி ராயுடு 23 ரன்கள் சேர்த்து பெவிலியன் திரும்பினார். 7வீரராக களத்திற்குள் வந்த கேப்டன் மகேந்திரசிங் தோனி, இரண்டு பந்துகளை எதிர்கொண்டு டக்-அவுட் ஆகி அதிர்ச்சி கொடுத்தார்.

தொடர்ந்து ரவீந்திர ஜடேஜா, சாம் கரன் இருவரும் சிறப்பாக விளையாடி அணியின் ஸ்கோரை உயர்த்தினர். ஜடேஜா 16 பந்துகளில் 25 ரன்களும், சாம் கரன் 15 பந்துகளில் 34 ரன்கள் விளாசினார். இறுதியில் சென்னை சூப்பர் கிங்ஸ் அணி 20 ஓவர்கள் முடிவில் 188/7 ரன்கள் குவித்தது.

இலக்கைத் துரத்திய டெல்லி அணியில் பிரித்வி ஷா, ஷிகர் தவன் ஆகியோர் துவக்க வீரர்களாக களமிறங்கினர். இருவரும் சிறப்பாக விளையாடியதால், பௌலர்கள் திணறகிடிக்கப்பட்டார்கள். இந்த பார்ட்னர்ஷிப் 100 ரன்களை கடந்தது. இறுதியில் பிரித்வி ஷா 38 பந்துகளில் 72 ரன்கள் சேர்த்து ஆட்டமிழந்தார். அடுத்து மற்றொரு துவக்க வீரர் தவன் 54 பந்துகளில் 85 ரன்கள் குவித்து அவுட் ஆனார்.

இருவரும் சிறப்பான துவக்கம் தந்த நிலையில் அடுத்துக் களமிறங்கிய கேப்டன் ரிஷப் பந்த் 15 (12), மார்க்கஸ் ஸ்டாய்னிஸ் 14 (9) இருவரும் அணியை வெற்றிப்பாதை நோக்கி அழைத்துச் சென்றனர். இறுதி கட்டத்தில் ஸ்டாய்னிஸ் ஆட்டமிழந்தார். கடைசியில், டெல்லி அணி 18.4 ஓவர்கள் முடிவில் 190/3 ரன்கள் எடுத்து 7 விக்கெட்கள் வித்தியாசத்தில் வெற்றிபெற்றது.

Be the first to comment on "CSK vs DC: துவக்க வீரர்கள் அதிரடி ! அசலாட்டாக வெற்றிபெற்ற டெல்லி அணி!"

Leave a comment

Your email address will not be published.