న్యూజిలాండ్‌కి సూపర్ ఓవర్ లో మల్లి ఎదురు దెబ్బ తగిలింది. హామిల్టన్ వేదికగా గత బుధవారం జరిగిన మూడో టీ20లో భారత్ చేతిలో సూపర్ ఓవర్‌ లో ఓడిపోయింది న్యూజిలాండ్. శుక్రవారం వెల్లింగ్టన్‌లో జరిగిన నాలుగో టీ20 లోనూ మరోసారి భారత జట్టు చేతి లో సూపర్ ఓవర్‌లోనే ఓడిపోయింది న్యూజిలాండ్. మొత్తంగా 2008 నుంచి ఇప్పటివరకు ఎనిమిదిసార్లు సూపర్ ఓవర్‌లో ఆడిన న్యూజిలాండ్. ఒక్క మ్యాచ్‌ లో మినహా అన్నింటిలోనూ ఓడిపోయింది. 2010లో క్రైస్ట్‌చర్చ్ వేదికగా ఆస్ట్రేలియా తో జరిగిన సూపర్ ఓవర్‌ లో మాత్రమే కివీస్ గెలుపొందింది. శుక్రవారం వెల్లింగ్టన్‌ లో న్యూజిలాండ్‌తో జరిగిన 4 వ టి 20 ఇంటర్నేషనల్ సందర్భంగా ఇద్దరు చొరబాటుదారులు మైదానంలోకి దిగారు. వరుస డెలివరీలలో ఆట స్థలంలోకి ప్రవేశించగలిగిన చొరబాటుదారులను తొలగించడానికి భద్రత పరుగెత్తింది.

మనీష్ పాండే అజేయంగా నిలిచిన 50 పరుగులు భారత్ తమ 20 ఓవర్లలో 8 వికెట్లకు 165 పరుగులు చేయడంలో సహాయపడిన తరువాత, న్యూజిలాండ్ షార్దుల్ ఠాకూర్ మరియు నవదీప్ సైనిపై తమ చేజ్ను జాగ్రత్తగా ప్రారంభించింది. సైని ఓవర్ సమయంలో – న్యూజిలాండ్ ఇన్నింగ్స్‌లో రెండవది – మూడవ డెలివరీ తర్వాత మైదానంలోకి ప్రవేశించడానికి చొరబాటుదారుడు భద్రతను ఉల్లంఘించాడు. భద్రత అతన్ని తీసుకెళ్లిన తరువాత, నాల్గవ డెలివరీ తరువాత మరొక చొరబాటుదారుడు ప్రవేశించాడు. వెల్లింగ్టన్‌లో జరిగిన నాలుగో టీ20 మ్యాచ్‌లో టాస్ ఓడి తొలుత బ్యాటింగ్ చేసిన భారత్ జట్టు 8 వికెట్ల నష్టానికి 165 పరుగులు చేయగా.. ఛేదనలో సరిగ్గా న్యూజిలాండ్ కూడా 7 వికెట్ల నష్టానికి 165 పరుగులే చేయగలిగింది. దీంతో.. సూపర్ ఓవర్‌ అనివార్యమైంది. ఈ సూపర్ ఓవర్‌లో మొదట బ్యాటింగ్ చేసిన న్యూజిలాండ్ టీమ్ 13 పరుగులు చేసింది. బుమ్రా వేసిన ఈ ఓవర్‌లో సైఫర్ట్, కొలిన్ మున్రో చెరొక ఫోర్ బాదారు. సూపర్ ఓవర్‌లో 14 పరుగుల లక్ష్యఛేదనకు దిగిన భారత్‌‌కి ఓపెనర్ కేఎల్ రాహుల్ వరుసగా 6, 4తో మెరుపు ఆరంభాన్నిచ్చాడు. దీంతో.. సమీకరణం.. 4 బంతుల్లో 4 పరుగులుగా మారిపోయింది. అయితే.. మూడో బంతికి రాహుల్ ఔటవగా.. నాలుగో బంతికి డబుల్ తీసిన కోహ్లీ.. ఐదో బంతిని బౌండరీకి తరలించి భారత్‌ని గెలిపించాడు. మూడో టీ20 తరహాలో సూపర్ ఓవర్‌‌ని ఈ మ్యాచ్‌లోనూ టిమ్ సౌథీనే వేయడం గమనార్హం.