மும்பை: வரும் அக்டோபர் 17ஆம் தேதி முதல் ஆஸ்திரேலியாவில் நடைபெறவுள்ள ஐசிசி டி20 உலகக்கோப்பைக்கு முன்னதாக ஆசியக் கோப்பை 2022 தொடர் வருகின்ற ஆகஸ்ட் 27ஆம் தேதி முதல் ஐக்கிய அரபு அமீரகத்தில் நடைபெறவுள்ளது.

இத்தொடரில் விளையாட இந்திய அணி வீரர்கள் அமீரகத்துக்கு  புறப்படுவதற்கு முன்பு, இந்திய அணியின் முன்னாள் தலைமைப் பயிற்சியாளர் ரவி சாஸ்திரி 28 வயதான இந்திய நட்சத்திரத்தை “சக்கரத்தில் உள்ள மிக முக்கியமான கோக்களில் ஒருவர்” என்று பாராட்டினார்.

மேலும் இதுகுறித்து கடந்த செவ்வாயக்கிழமையன்று ஆசிய கோப்பை 2022-ன் அதிகாரப்பூர்வ ஒளிபரப்பு நிறுவனமான ஸ்டார் ஸ்போர்ட்ஸ் ஏற்பாடு செய்த செய்தியாளர் சந்திப்பில் பேசிய ரவி சாஸ்திரி, ” கடந்த ஆண்டு டி20 உலகக் கோப்பையில் இந்திய அணியின் ஒரு பகுதியாக இருந்த ஹர்திக் பாண்டியா முதுகில் ஏற்பட்ட காயத்திலிருந்து மீண்டு வருவதால் ஒரு பேட்டராக மட்டுமே இடம்பெற்ற அவரால் பந்து வீச முடியவில்லை. இதன்காரணமாக அணியின் சமநிலையை இழந்ததோடு கூடுதல் பந்துவீச்சும் மறுக்கப்பட்டது.

இதனால் அந்த டி20 உலகக் கோப்பையில் இந்திய அணி ஒரு நடுத்தர வேகப்பந்து வீச்சாளரைத் தங்கள் தரவரிசையில் இருந்து இழந்து வெளியேற்றத்தை சந்தித்தது. அதன்பின்னர் ஐபிஎல் 2022இல் இருந்து பந்துவீசத் தொடங்கிய ஹர்திக் எந்தவொரு வரிசையிலும் மிகவும் முக்கியமான வீரர்களில் ஒருவராக தன்னை நிலைநிறுத்திக் கொண்டார்.இது ஒரு பெரிய வித்தியாசத்தை ஏற்படுத்தியது.

மேலும் குஜராத் டைட்டன்ஸ் அணிக்காக பேட்டிங் மற்றும் பந்துவீச்சு என இரண்டிலும் தனது செயல்திறனை வெளிப்படுத்திய ஹர்திக், குஜராத் அணியை முதல் சீசனிலேயே ஐபிஎல் பட்டத்திற்கு வழிநடத்தியதன் மூலம் தனது கேப்டன்ஸி திறன்களையும் வெளிக்காட்டினார்.

எனவே இந்தியாவைப் பொறுத்தவரையில் தற்போதைய இந்திய கிரிக்கெட் அணியின் ஆயுதக் களஞ்சியத்தில் இருக்கும் மிக முக்கியமான நட்சத்திர ஆல்ரவுண்டர்களில் ஹர்திக் பாண்டியாவும் ஒருவர். 28 வயதான அவரை அணியில் இருந்து வெளியேற்றினால், மென் இன் ப்ளூ அணியில் சமநிலையை இழக்க நேரிடும். அந்த அளவுக்கு அவர் முக்கியமானவர். கூடுதல் பேட்ஸ்மேனாக விளையாடுவது அல்லது கூடுதல் பந்துவீச்சாளராக விளையாடுவதா என்பது பற்றி உங்களுக்குத் தெரியாது.

கடந்த டி20 உலகக்கோப்பையில்  அவருடைய பந்துவீச்சை நாங்கள் மிகவும் தவறவிட்டோம். அவருடைய ஆட்டத்தின் தரத்தைப் பொறுத்தவரை அவருக்கு அருகில் யாரும் வரமுடியாது. அதன் காரணமாகவே ஹர்திக் மிகவும் முக்கியமான வீரர். எனவே அணி நிர்வாகம் அவரை கவனமாக கையாள வேண்டும். அதுமட்டுமல்ல இனிவரும் எல்லாப் போட்டிகளிலும் நீங்கள் விளையாட விரும்பும் கடைசி நபர் அவர்தான். ஏனெனில் மிடில் ஆர்டரில் பேட்டிங் செய்வதிலும், ஆட்டத்தை முடிப்பதிலும் பாண்டியாவை விட சிறந்தவர் யாரும் இல்லை” இவ்வாறு சாஸ்திரி செய்தியாளர்கள் சந்திப்பில் தெரிவித்தார்.