300 கோடி ரூபா இருந்தா இந்தப் பக்கம் வாங்க… பிசிசிஐ கறார்!!

ஐபிஎல் 13ஆவது சீசனில் சீன நிறுவனத்தின் ஸ்பான்சருக்கு தடை விதிக்கப்படுவதாகக் கடந்த வாரம் பிசிசிஐ அறிவித்தது. புதிதாக ஸ்பான்சர் செய்ய முன்வரும் நிறுவனங்கள் குறைந்தபட்சம் 300 கோடி ரூபாய்க்கு ஏலத்தில் பங்கேற்கலாம் என்று தற்போது அறிவிக்கப்பட்டுள்ளது. புதிய ஸ்பான்சருக்கான போட்டியில் மூன்று நிறுவனங்கள் இருக்கும் நிலையில், மூன்றையுமே தேர்வு செய்து வருவாய் இழப்பை ஈடுசெய்ய பிசிசிஐ முடிவு செய்திருப்பதாகவும் தகவல் வெளியாகியுள்ளது.

தற்போது, காலியாக உள்ள ஸ்பான்சர்ஷிப் இடத்தை பிடிப்பதற்கு அமேசான், பைஜூ, ட்ரீம் 11 ஆகிய மூன்று நிறுவனங்கள் போட்டியில் இருப்பதாகக் கூறப்படுகிறது. ஐபிஎல் தொடர் நடைபெற உள்ள மாதங்களில் தசரா, தீபாவளி போன்ற பண்டிகைகள் வரவிருப்பதால் அமேசான் நிறுவனம் ஸ்பான்சர்ஷிப்பை பிடிப்பதற்கு முனைப்புக்காட்டி வருகிறது.

இந்திய கிரிக்கெட் அணியின் ஜெர்சி ஸ்பான்சராக இருந்த பைஜூ நிறுவனத்தின் ஒப்பந்தம் முடிவு பெற்றுள்ளதால், ஐபிஎல் தொடரில் கால் பதிக்க முயற்சிக்கிறது. ட்ரீம் 11 நிறுவனம் ஏற்கனவே ஐபிஎல் தொடரின் முக்கிய பார்ட்னராக உள்ளது.

இந்த மூன்று நிறுவனங்களில் ஏதாவது ஒன்றைத் தேர்வு செய்வதற்குப் பதில், மூன்றையும் தேர்வுசெய்து விவோ நிறுவனத்தின் 440 கோடி ரூபாய் வருவாய் இழப்பை ஈடுசெய்ய பிசிசிஐ திட்டமிட்டு வருவதாகக் கூறப்படுகிறது.

ஐபிஎல் தொடருக்கு ஒரு ஸ்பான்சர் மற்றும் 2 அதிகாரப்பூர்வ பார்ட்னர்களை தேர்வு செய்யத் திட்டமிட்டுள்ளோம். அதன்படி, ஸ்பான்சர் செய்யும் நிறுவனத்திடமிருந்து 440 கோடியின் மூன்றில் ஒரு பங்கு தொகையை பெற்றுக்கொண்டு, மீதமுள்ள இரண்டு அதிகாரப்பூர்வ பார்ட்னர் நிறுவனங்களிடம் இருந்து ஒரு குறிப்பிட்ட தொகையை பிசிசிஐ பெற்றுக்கொள்ளும் பட்சத்தில், விவோ நிறுவனத்தின் 440 கோடியைச் சுலபமாக ஈடுசெய்ய முடியும்” என்று அவர் தெரிவித்துள்ளார்.

இருப்பினும் தற்போது, பிசிசிஐ வெளியிட்டுள்ள அறிக்கையின்படி, புதிதாக ஸ்பான்சர் செய்ய முன்வரும் நிறுவனம் குறைந்தபட்சம் 300 கோடியுடன் ஏலத்தில் பங்கேற்கலாம் என்று கூறப்பட்டுள்ளது. இந்நிலையில், மூன்று நிறுவனங்களையும் பின்னுக்குத் தள்ளி ஜியோ நிறுவனம் ஸ்பான்சர் உரிமையை தட்டிச் செல்லும் என்றும் பரவலாக கூறப்படுகிறது.

ட்ரீம் 11 மற்றும் பைஜூ நிறுவனம் ஏற்கெனவே கிரிக்கெட் போட்டிகளுக்கு ஸ்பான்சர்களாக இருந்துள்ளன. இந்திய அணியின் ஜெர்சி ஸ்பான்சராக பைஜூ நிறுவனமும், ஐபிஎல் தொடருக்கு பார்ட்னராக ட்ரீம் 11 நிறுவனமும் இருந்துள்ளன. ஆனால், அமேசான் நிறுவனம் இதுவரையில் ஒருமுறைகூட கிரிக்கெட் தொடர்களுக்கு ஸ்பான்சர் செய்ததில்லை.

ஏற்கெனவே கிரிக்கெட் போட்டிகளுக்கு ஸ்பான்சர் செய்துவரும் அமேசான், பைஜூ நிறுவனங்களுக்கு இடையில் மட்டுமே ஸ்பான்சருக்கான போட்டி நிலவி வருவதாகத் தகவல்கள் கசிந்துள்ளது.

Be the first to comment on "300 கோடி ரூபா இருந்தா இந்தப் பக்கம் வாங்க… பிசிசிஐ கறார்!!"

Leave a comment

Your email address will not be published.


*