భారత్ vs బంగ్లాదేశ్ టెస్ట్ మ్యాచ్ : 150 పరుగులకే బంగ్లాదేశ్ అలవుట్

భారత్, బంగ్లాదేశ్ మధ్య గురువారం మొదలైన మొదటి టెస్టులో తొలి రోజు ఆట ముగిసింది. టాస్ గెలిచిన బాంగ్లాదేశ్ మొదట బ్యాటింగ్ బంగ్లాదేశ్ జట్టు మూడో సెషన్ ప్రారంభంలోనే150 పరుగులకి ఆలౌటవగా.. తరువాత మొదటి ఇన్నింగ్స్‌ని ఆరంభించిన భారత్ జట్టు ఈరోజు ఆట ముగిసే సమయానికి 86/1 తో నిలిచింది. ప్రస్తుతం క్రీజులో ఓపెనర్ మయాంక్ అగర్వాల్ (37 బ్యాటింగ్: 81 బంతుల్లో 6×4), చతేశ్వర్ పుజారా (43 బ్యాటింగ్: 61 బంతుల్లో 7×4) ఉన్నారు. ఓపెనర్ రోహిత్ శర్మ 6 పరుగుల వ్యక్తిగత స్కోరు వద్దే ఔటైపోయాడు.  మ్యాచ్‌లో టాస్ గెలిచిన బంగ్లాదేశ్ కెప్టెన్ మొమినుల్ హక్ మరో ఆలోచన లేకుండా బ్యాటింగ్ ఎంచుకున్నాడు. కానీ తొలి సెషన్‌లోనే ఉమేశ్ యాదవ్, ఇషాంత్ శర్మ, మహ్మద్ షమీ తలో వికెట్ పడగొట్టి బంగ్లాదేశ్‌ని ఒత్తిడిలోకి నెట్టేశారు. ఓపెనర్లు సదామన్ ఇస్లామ్ (6), ఇమ్రూల్ ఖయ్యూస్ (6) సింగిల్ డిజిట్ స్కోరుతోనే సరిపెట్టగా.. మహ్మద్ మిథున్ (13) తేలిపోయాడు. ఆ తర్వాత రెండో సెషన్‌లో స్పిన్నర్ అశ్విన్ మాయ మొదలైంది. బంగ్లాదేశ్‌తో గురువారం జరిగిన మొదటి టెస్టులో భారీ అంచనాల నడుమ బ్యాటింగ్‌కి వెళ్లిన భారత ఓపెనర్ రోహిత్ శర్మ పేలవంగా 6 పరుగుల వ్యక్తిగత స్కోరు వద్దే వికెట్ చేజార్చుకున్నాడు. ఇన్నింగ్స్‌ 8వ ఓవర్ వేసిన అబు జాయెద్ బౌలింగ్‌లో బంతిని కట్ చేసేందుకు ప్రయత్నించిన రోహిత్ శర్మ కీపర్ లిట్టన్ దాస్ చేతికి చిక్కాడు. ఆఫ్ స్టంప్‌కి వెలుపలగా పడిన బంతిని ఆడే సమయంలో రోహిత్ శర్మ తన పాదాల్ని కదల్చకుండా ఆడటమే తప్పిదమని మ్యాచ్ కామెంటేటర్లు అభిప్రాయపడ్డారు.

కెప్టెన్ మొమినుల్ (37: 80 బంతుల్లో 6×4) వికెట్‌తో ఆ జట్టు పతనాన్ని కొనసాగించిన అశ్విన్.. మహ్మదుల్లా (10)నీ బోల్తా కొట్టించేశాడు. ఇక ఆఖర్లో మళ్లీ షమీ, ఇషాంత్ శర్మ చెరొక వికెట్ పడగొట్టగా.. హుస్సేన్‌(2)ని ఆఖర్లో బౌల్డ్ చేయడం ద్వారా బంగ్లాదేశ్ తొలి ఇన్నింగ్స్‌కి ఉమేశ్ యాదవ్ తెరదించాడు. ఆ జట్టులో ముష్ఫికర్ రహీమ్ (43: 105 బంతుల్లో 4×4, 1×6) మాత్రమే చెప్పుకోదగ్గ స్కోరు చేశాడు. టీమిండియా బౌలర్లలో మహ్మద్ షమీ (3/27), ఇషాంత్ శర్మ (2/20), అశ్విన్ (2/43), ఉమేశ్ యాదవ్ (2/47) మెరిశారు. తైజుల్ ఇస్లామ్‌.. జడేజా విసిరిన త్రో కారణంగా రనౌటయ్యాడు.

Be the first to comment on "భారత్ vs బంగ్లాదేశ్ టెస్ట్ మ్యాచ్ : 150 పరుగులకే బంగ్లాదేశ్ అలవుట్"

Leave a comment