ஹார்திக் பாண்டியாவை மெச்சும் ஆஸி சுழல் ஜாம்பவான்!

கிரகத்தில் எனக்கு பிடித்த மூன்று முதல் கிரிக்கெட் வீரர்களில் ஒருவர் ’: ஷேன் வார்ன்‘ இந்தியாவின் டெஸ்ட் அணியில் ’ஹார்டிக் பாண்ட்யாவைப் பெற விரும்புகிறேன்

இந்திய அணியின் ஆல்ரவுண்டர் ஹார்திக் பாண்டியா குறித்து ஷேன் வார்ன் புகழ்ந்து பேசியுள்ளார்.

இந்திய அணியின் பெஸ்ட் ஆல்ரவுண்டராகத் திகழ்ந்து வரும் ஹார்திக் பாண்டியா, டெஸ்ட் தொடர்களில் பங்கேற்க வேண்டும் எனவும், அவர் உலக அளவில் டாப் 3 கிரிக்கெட் வீரர்களில் ஒருவர் என ஆஸ்திரேலிய அணியின் முன்னாள் வீரர் ஷேன் வார்ன் புகழந்து பேசியுள்ளார். ஹார்திக் பாண்டியா முதுகு வலி பிரச்சனை காரணமாகக் கடந்த ஆண்டு அறுவைச் சிகிச்சை செய்தார். அதன்பிறகு, பேட்டிங் மட்டுமே செய்து வருகிறார். முழு வீச்சில் பந்துவீச இயலவில்லை. ஆஸ்திரேலிய தொடரின் போது ஒருநாள் போட்டிகளில் சொற்ப ஓவர்கள் மட்டுமே வீசினார்.

இதைக் குறிப்பிட்டுப் பேசிய ஷேன் வார்ன், “ஹார்திக் பாண்டியா டெஸ்ட் போட்டிகளில் இடம்பெற வேண்டும். பந்துவீச இயலாத காரணத்தினால்தான் அவர் ஆஸ்திரேலிய அணிக்கு எதிரான டெஸ்ட் அணியில் இடம்பெறமுடியவில்லை. தற்போதைய காலகட்டத்தில் உலகின் டாப் 3 கிரிக்கெட் வீரர்களில் ஒருவராக பாண்டியா திகழ்கிறார். ஒருநாள், டி20 போட்டிகளில் அவர் விளையாடிய விதத்தை அனைவரும் பார்த்திருப்பார்கள். அற்புதமான ஆட்டம். அவர் டெஸ்ட் போட்டிகளில் விளையாடுவதைப் பார்க்க நான் ஆவலுடன் உள்ளேன்” எனத் தெரிவித்தார்.

மேலும் பேசிய வார்ன், “பாண்டியா தற்போது அபாரமான பார்மில் உள்ளார். பந்துவீச உடல் ஒத்துழைத்தால் டெஸ்ட் போட்டிகளில் நிச்சயம் இடம்பெறுவார். விராட் கோலி போன்ற திறமையான வீரர்கள் இல்லாத சமயத்தில் ஹார்திக் போன்றவர்கள் நிலைமையை ஈடுசெய்ய வாய்ப்புள்ளது. மிகவும் பொறுமையான வீரர் பாண்டியா. அவர் பேசும்போது மேற்கிந்தியத் தீவுகள் வீரர் பேசுவது போன்று இருக்கும்” எனக் கூறினார்.

ஹார்திக் பாண்டிய இந்திய டெஸ்ட் அணியில் இடம்பெற்றால் எந்த இடத்தில் களமிறங்குவார் எனக் கேட்டபோது, “அவர் 7ஆவது வரிசையில் களமிறங்குவது சிறந்தது. அவரால் டெஸ்ட் போட்டிகளிலும் சிறப்பான ஆட்டத்தை வெளிப்படுத்த முடியும்” எனத் தெரிவித்தார்.

இந்தியா, ஆஸ்திரேலியா இடையிலான முதல் டெஸ்ட் (பகலிரவு) நாளை துவங்க உள்ளது. இப்போட்டி முடிந்தவுடன் விராட் கோலி, தனது மனைவியின் பிரசவத்தின்போது அருகில் இருப்பதற்காக நாடு திரும்புகிறார். இதனால், அவருக்கு மாற்று வீரராக ரோஹித் ஷர்மா களமிறங்குவார் என அறிவிக்கப்பட்டுள்ளது. அவர் கடைசி இரண்டு போட்டிகளில் மட்டுமே பங்கேற்கும் சூழல் நிலவுகிறது. இதனால், இரண்டாவது டெஸ்ட் போட்டியில் விராட் கோலியின் இடம் காலியாக உள்ளது.

Be the first to comment on "ஹார்திக் பாண்டியாவை மெச்சும் ஆஸி சுழல் ஜாம்பவான்!"

Leave a comment

Your email address will not be published.