முக்கிய கிரிக்கெட் போட்டிகள் ரத்து..! திடீர் அறிவிப்பால் ரசிகர்கள் கவலை…

தமிழகத்தில் மிகவும் பிரபலமான டிஎன்பிஎல் தொடர், கொரோனா காரணமாக இந்த ஆண்டு நடைபெறாது என்று அறிவிக்கப்பட்டுள்ளது. ஐபிஎல், ரஞ்சிக் கோப்பை போன்ற போட்டிகள் அடுத்தடுத்து வர உள்ளதால் இம்முடிவு எடுக்கப்பட்டுள்ளதாக கூறப்பட்டுள்ளது.

டிஎன்பிஎல் தொடர்: ஜூன் 10 முதல் ஜூலை 12 வரை டிஎன்பிஎல் தொடர் நடைபெறும் என்று அறிவிக்கப்பட்டிருந்தது. கொரோனா தாக்கம் காரணமாக போட்டிகள் ஒத்தி வைக்கப்பட்டிருந்த நிலையில், தமிழ்நாடு கிரிக்கெட் வாரியம் இது தொடர்பாக தொடர்ந்து ஆலோசித்து வந்தது.

இந்நிலையில், தமிழகத்தில் கொரோனானால் 2 ல்டசித்திற்கும் அதிகமானோர் பாதிக்கப்பட்டுள்ளதால், மீண்டும் சிக்கல் உருவானது. போட்டிகள் நடைபெற உள்ள சென்னை, சேலம், கோவை போன்ற நகரங்களில் கொரோனா தாக்கம் குறையாத காரணத்தாலும், ஐபிஎல் , ரஞ்சிக் கோப்பை தொடர்கள் அடுத்தடுத்து வருவதாலும் டிஎன்பிஎல் தொடரை அடுத்த ஆண்டிற்கு ஒத்தி வைக்கப்பட உள்ளதாகத் தமிழ்நாடு கிரிக்கெட் வாரிய நிர்வாகி ஒருவர் கூறியுள்ளார்.

“ஆரம்பத்தில், ஆகஸ்ட் செப்டம்பர் ஆகிய மாதங்களில் போட்டிகளை நடத்தலாம் என்று எண்ணினோம். ஆனால், தமிழகத்தில் அதற்கான சூழ்நிலை தற்போது இல்லை. இந்த வருடம் டிஎன்பிஎல் தொடர் நடத்துவதற்கு வாய்ப்பில்லை. இருப்பினும், இதுதொடர்பாக ஆலோசிக்க நிர்வாகிகள் கூட்டம் இன்னும் சில வாரங்களில் நடைபெற உள்ளது.

இந்த ஆண்டிற்கான ஐபிஎல் தொடர் செப்டம்பர் 19ஆம் தேதி தொடங்கி நவம்பர் 10ஆம் தேதி வரை நடைபெற உள்ளது. இதனால், டிஎன்பிஎல் தொடரில் விளையாட உள்ள முக்கிய வீரர்கள் ரவிச்சந்திர அஸ்வின் (டெல்லி கேப்பிடல்ஸ்), தினேஷ் கார்த்திக் (கொல்கத்தா க்னைட் ரைடர்ஸ்), விஜய் சங்கர் (சன் ரைசர்ஸ் ஹைதராபாத்), முரளி விஜய் (சென்னை சூப்பர் கிங்ஸ்) ஆகியோர் ஐபிஎல் போட்டிகளில் விளையாட உள்ளனர் என்பது குறிப்பிடத்தக்கது.

ஐபிஎல் போட்டிகள் முடிந்த பின்பு, உள்ளூர் தொடரான ரஞ்சிக் கோப்பை தொடங்கும் என்று எதிர்பார்க்கப்படுகிறது. இதுகுறித்து பேசிய டிஎன்பிஎல் நிர்வாகி வருவர், “ஐபிஎல் போட்டிகள் முடிந்த பின்பு, வீரர்கள் அனைவரும் ரஞ்சிக் கோப்பைக்குத் தயாராகி விடுவார்கள்.

டிஎன்பிஎல் தொடர் மூலம் தமிழகத்தின் திறமையான வீரர்கள் அடையாளம் காணப்படுகிறார்கள். இத்தொடரில் சிறப்பாக விளையாடிய வீரர்கள் ஐபிஎல் தொடரிலும் விளையாட வாய்ப்புகள் வழங்கப்பட்டு வருகிறது. சுழற்பந்து வீச்சாளர் வருண் சக்ரவர்த்தி 2018ஆம் ஆண்டு 8.4 கோடிக்கும், 2019ஆம் ஆண்டு 4 கோடிக்கும் ஐபிஎல் தொடரில் ஏலம் எடுக்கப்பட்டுள்ளார். சென்னை சூப்பர் கிங்ஸ் அணிக்கா சாய் கிஷோர் அடிப்படை விலையான 20 லட்சத்திற்கு ஏலம் போனார் என்பது குறிப்பிடத்தக்கது.

Be the first to comment on "முக்கிய கிரிக்கெட் போட்டிகள் ரத்து..! திடீர் அறிவிப்பால் ரசிகர்கள் கவலை…"

Leave a comment

Your email address will not be published.


*