மிகவும் சவாலான தென்னாப்பிரிக்கவை எதிர்த்து விசேஷமாக ஏதாவது செய்ய வேண்டும் என்று விராட் கோலி எதிர்பார்க்கிறார்.

www.indcricketnews.com-indian-cricket-news-037

நியூடெல்லி: தென்னாப்பிரிக்காவில் இந்தியா இதுவரை டெஸ்ட் தொடரை வென்றதில்லை. இச்சமயத்தில், இந்திய அணி இந்த வாய்ப்பை பயன்படுத்தினால், எல்லையைத் தாண்டி “சிறப்பாக ஏதாவது செய்ய முடியும்” என்று விராட் கோலி கருதுகிறார்.

ஒரு தொடரை வெல்வதென்பது அணிக்கு மிகவும் சவாலானது, ஏனெனில், கடந்த ஆண்டின் பிற்பகுதியில் ஆஸ்திரேலியாவைப் போல், இந்த கோடையின் தொடக்கத்தில் இங்கிலாந்தைப் போல, இந்தியாவில் எந்தவிதமான வார்ம்-அப் கேம்கள் மற்றும் பழக்கப்படுத்தலுக்கு நேரம் இல்லை.

இதுகுறித்து கோலி கூறுகையில், “எனது கருத்துப்படி மிகவும் சவாலான சூழ்நிலையில் விளையாடும் போது விக்கெட் பயிற்சி, போட்டியை பழக்கப்படுத்துதல் இதுபோன்ற விஷயங்கள் வேகப்பந்து வீச்சுக்கும், துள்ளலுக்கும் உதவுகின்றன.

மேலும், ஸ்விங்கிலும் கூட தந்திரமாக செயல்பட வேண்டிவரும். ஏனெனில், ஏற்கனவே தென்னாப்பிரிக்காவில் நாம் அதைப் பார்த்தோம். எனவே நம்மால் முடிந்த அளவு எந்தெந்த பகுதிகளில் பந்தை அடிக்கிறோம் என்பதை  உருவகப்படுத்திக்கொண்டு, பந்து வீச்சாளர்களுடன் நல்ல வடிவத்தைப் பெற்று,  ஸ்லிப்புகளை அமைத்து, அவர்கள் எந்தெந்த பகுதிகளில் பந்து வீச விரும்புகிறார்கள் என்பதை யூகித்து எளிதான சிங்கிள்கள், பவுண்டரிகளை குறைத்தால் நம்மிடம் வார்ம்-அப் கேம்கள் இல்லாதபோதும் இது ஒரு நல்ல போட்டியாக அமையும்.”

மேலும், ரோஹித் சர்மா மற்றும் ரவீந்திர ஜடேஜா பற்றி கூறுகையில், “இரண்டு முக்கிய வீரர்கள் இல்லாமல் இந்தியா இந்த கடினமான போட்டியை எதிர்கொண்டுள்ளது. துணை-கேப்டனான ரோஹித்,தொடை தசைநார் காயத்தால் வெளியேறி, மேலே ஒரு வெற்றிடத்தை விட்டுச் சென்றுவிட்டார். ஜடேஜாவுக்கு முன் கையில் காயம் ஏற்பட்டுள்ளதால், அணியின் சமநிலை பாதிக்கப்பட்டுள்ளது”.

எனத் தெரிவித்த அவர், சாத்தியமான சிறந்த வீரர்களின் கூட்டணியை  உருவாக்கி டெஸ்ட் போட்டிகளில் வெற்றி பெறுவதற்கு எங்களிடம் தரம் உள்ளது. ஏனென்றால், அந்த வலிமையையும் சூழலையும் நாங்கள் உருவாக்கியுள்ளோம், அதனால் வரும் வீரர்களும் அந்ந வாய்ப்புகளைப் பயன்படுத்திக் கொண்டு சிறப்பான ஆட்டத்தை வெளிப்படுத்துவார்கள் எனத் தெரிவித்துள்ளார்.

மேலும், 2018 சுற்றுப்பயணத்தின் போது, இந்தியா 2-1 என இழந்தது, இந்தியசுற்றுலா அணிகளுக்கான அளவுகோலை அமைப்பதில் ஒருபுதிய சகாப்தத்தின் தொடக்கம் எனவும்,ஜோகன்னஸ்பர்க்கில் இந்தியாவின் டெஸ்ட் தொடரின் வெற்றி, “கடினமான சூழ்நிலையில் வந்தது” எனத் தெரிவித்த கோலி,வெளிநாடுகளில் நடைபெறும் தொடர்களில் வெல்ல முடியும் என்பதை இதன்மூலம் நம்பத் தொடங்கினோம் என்றும் இதைத் தொடர்ந்து, இங்கிலாந்தில் அந்த நம்பிக்கையை நன்றாகக் கட்டியெழுப்பி, ஆஸ்திரேலியா அந்த முயற்சிகளின் திரட்சியாக அமைந்தது”. என்றும் தெரிவித்தார்.

இதில், “தென்னாப்பிரிக்கா வித்தியாசமான சவாலை முன்வைக்கிறது என்று குறிப்பிட்டுள்ள கோலி விக்கெட்டுகளையும், ரன்களையும் பெறுவதற்கு அனுபவம் மற்றும் நம்பிக்கை ஆகியவற்றின் அடிப்படையில் குழுவாக சிறந்த முறையில் செயல்பட்டு வெற்றி பெற எங்களால் முடிந்த அனைத்தையும் செய்வோம் எனவும் இதன்மூலம், நமக்கு வரும் எந்த சவாலையும் எதிர்த்து நின்று எந்த நாட்டிலும் தொடரை வெல்ல முடியும் என்ற உந்துதலுடன் நிறைய இதயங்களை வெல்ல முடியும் என்ற நம்பிக்கையுடன் இத்தொடரில் களமிறங்குவோம்.”  எனத் தெரிவித்தார்.