மாயாஜாலம் நிகழ்த்திய ராகுல் தேவேத்தியா: ராஜஸ்தான் த்ரில் வெற்றி!

கடின இலக்கை துரத்திக்கொண்டு களமிறங்கிய ராஜஸ்தான் ராயல்ஸ் அணி கடுமையாகப் போராடி 4 விக்கெட்கள் வித்தியாசத்தில் த்ரில் வெற்றிபெற்றது

கே.எல்.ராகுல், மயங்க் அகர்வால் இருவரும் சேர்ந்து ரன் மழை பொழிந்ததால் கிங்ஸ் வெவன் பஞ்சாப் அணி 2 விக்கெட்கள் இழப்பிற்கு 223 ரன்கள் குவித்தது.

டாஸ் வென்று பீல்டிங் தேர்வு செய்தால் வெற்றிபெற்றுவிடலாம் என்ற கணக்கில் ராஜஸ்தான் அணி முதலில் பீல்டிங் செய்தது. முதலில் பேட்டிங் செய்த பஞ்சாப் அணியின் தொடக்க வீரர்களாக கேப்டன் கே.எல். ராகுல், மயங்க் அகர்வால் களமிறங்கி அதிரடியாக விளையாடத் தொடங்கினர். அனைத்து ஓவர்களிலும் சிக்ஸர், பவுண்டரிகள் பறந்த வண்ணம் இருந்தன. ஜோப்ரா ஆர்ச்சர், ஜெய்தேவ் உனாத்கட், அங்கிட் ராஜ்புத் போன்றவர்கள் மாறிமாறிப் பந்து வீசியும் ஒரு பலனும் கிடைக்கவில்லை.

16.3 ஓவர்கள் வரை தாக்குப்பிடித்த இந்த பார்ட்னர்ஷிப் ஒருவழியாக முடிவுக்கு வந்தது. மயங்க் அகர்வால் 50 பந்துகளில் 7 சிக்ஸர், 10 பவுண்டரிகளுடன் 106 ரன்களுக்கு ஆட்டமிழந்தார். மறுமுனையில் அதிரடி காட்டிய கே.எல். ராகுல் தனது பங்கிற்கு 69 ரன்கள் சேர்த்து பெவிலியன் திரும்பினார். கடைசிக் கட்டத்தில் கிலென் மேக்ஸ்வெல், நிக்கலோஸ் பூரன் ஆகியோர் ஓரளவுக்கு ரன்கள் சேர்க்க, பஞ்சாப் அணி 20 ஓவர்கள் முடிவில் 2 விக்கெட்கள் இழப்பிற்கு 223 ரன்கள்

224 எடுத்தால் வெற்றி என்ற இலக்கைத் துரத்திக்கொண்டு களமிறங்கிய ராஜஸ்தான் அணிக்குத் தொடக்கமே அதிர்ச்சியளித்தது. ஜாஸ் பட்லர் 4 ரன்கள் மட்டும் எடுத்து அவுட் ஆனார். அதன் பின்பு கேப்டன் ஸ்டீவ் ஸ்மித், சஞ்சு சாம்சன் இருவரும் அதிரடியாக விளையாடத் தொடங்கினர்.

9ஆவது ஆவது ஓவரில் ஸ்மித் 50 ரன்களுக்கு ஆட்டமிழந்தார். விடாமுயற்சியைக் கைவிடாத சஞ்சு சாம்சன் தொடர்ந்து ரன் குவிப்பில் ஈடுபட்டார். 42 பந்துகளில் 7 சிக்ஸர், 4 பவுண்டரிகள் விளாசி 85 ரன்கள் குவித்து ஆட்டமிழந்தார். அடுத்துக் களமிறங்கிய உத்தப்பா 9 ரன்களுக்கு ஆட்டமிழக்க ராஜஸ்தான் அணி வெற்றியின் விளிம்பிற்கே சென்றது. இருப்பினும், ராகுல் தேவத்தியா கோரா தாண்டவம் ஆடி அணியை வெற்றிப் பாதைக்கு அழைத்துச் சென்றார். 18 பந்துகளுக்கு 51 ரன்கள் தேவைப்பட்ட நிலையில், கார்ட்டில் வீசிய 18ஆவது ஓவரில் ராகுல் தேவத்தியா 5 சிக்ஸர்கள் விளாசி ராஜஸ்தான் அணியை வெற்றிப்பாதைக்கு அழைத்துச் சென்றார். இறுதியில் 31 பந்துகளுக்கு 53 ரன்கள் எடுத்த நிலையில் அவுட் ஆனார். அடுத்து களமிறங்கிய ஆர்ச்சர் 3 பந்துகளில் 13 ரன்கள் சேர்த்து வெற்றியை உறுதி செய்தார்.

Be the first to comment on "மாயாஜாலம் நிகழ்த்திய ராகுல் தேவேத்தியா: ராஜஸ்தான் த்ரில் வெற்றி!"

Leave a comment

Your email address will not be published.


*