பட்டையக் கிளப்பிய மும்பை பௌலர்கள்…கொல்கத்தா அதிர்ச்சி தோல்வி!

ஐபிஎல் 14ஆவது சீசனின் ஐந்தாவது லீக் போட்டியில் மும்பை இந்தியன்ஸ் அணிக்கு எதிராக டாஸ் வென்ற கொல்கத்தா நைட் ரைடர்ஸ் அணி பந்துவீச்சைத் தேர்வு செய்தது.

மும்பை அணியில் துவக்க வீரர்களாக ரோஹித் ஷர்மா, குவின்டன் டி காக் ஆகியோர் களமிறங்கினர். டி காக் 2 ரன்கள் மட்டும் சேர்த்து ஆட்டமிழந்தார். அடுத்துக் களமிறங்கிய சூர்யகுமார் யாதவ், ரோஹித் ஷர்மாவுடன் பார்ட்னர்ஷிப் அமைத்தார். இருவரும் சிறப்பாக விளையாடியதால் கொல்கத்தா அணிக்கு பெரிய நெருக்கடி ஏற்பட்டது. இந்நிலையில், சூர்யகுமார் 56 (36) ரன்கள் சேர்த்து பெவிலியன் திரும்பினார்.

அடுத்து இஷான் கிஷன் வந்த 1 (3) வேகத்தில் நடையைக் கட்டியதால் மும்பை அணிக்கு அழுத்தம் அதிகரித்தது. தொடர்ந்து ரோஹித் ஷர்மாவும் 43 (32) ஆட்டமிழந்து ரசிகர்களுக்கு ஷாக் கொடுத்தார். இதனால், கொல்கத்தா பௌலர்கள் நெருக்கடியில் இருந்து மீண்டு சிறப்பாக பந்துவீசத் துவங்கினர்.

இதனைத் தாக்குப் பிடிக்க முடியாமல் ஹார்திக் பாண்டியா 15 (17), கெய்ரன் பொல்லார்ட் 5 (8), மேக்ரோ ஜெனிசன் 0 (1) போன்றவர்கள் அடுத்தடுத்து ஆட்டமிழந்தனர். இதனால், மும்பை இந்தியன்ஸ் அணி 20 ஓவர்கள் முடிவில் 152 ரன்கள் மட்டுமே எடுத்தது.

ஆண்ட்ரே ரஸ்ஸல் 2 ஓவர்கள் மட்டும் வீசி 15 ரன்களை விட்டுக்கொடுத்து 5 விக்கெட்களை கைப்பற்றி அசத்தினார். பேட் கம்மின்ஸும் தனது பங்கிற்கு இரண்டு விக்கெட்களை வீழ்த்தினார்.

இலக்கைத் துரத்தி களமிறங்கிய கொல்கத்தா அணியில் ஓபனர்கள் நிதிஷ் ராணா, ஷிப்மன் கில் இருவரும் சிறப்பான துவக்கம் தந்தனர். ஷுப்மன் 33 ரன்கள் சேர்த்து ஆட்டமிழந்தார். மற்றொரு துவக்க வீரர் நிதிஷ் ராணா 47 பந்துகளில் 57 ரன்கள் எடுத்து பெவிலயன் திரும்பினார்.

கொல்கத்தா அணியில் அடுத்துக் களமிறங்கிய ராகுல் திரிபாதி, இயான் மோர்கன், ஷகிப் அல் ஹசன், தினேஷ் கார்த்திக், ஆண்ட்ரே ரஸ்ஸல் போன்ற அனைவரும் ஒற்றை இலக்க ரன்கள் மட்டும் சேர்த்து வந்த வேகத்தில் நடையைக் கட்டினர். இறுதியில் 6 பந்துகளில் 15 ரன்கள் அடித்த வேண்டிய நிலை ஏற்பட்டது. கொல்கத்தா அணி 4 ரன்கள் மட்டும் அடித்ததால், மும்பை இந்தியன்ஸ் அணி 10 ரன்கள் வித்தியாசத்தில் அபார வெற்றிபெற்றது.

ராகுல் சாஹர் 4 ஓவர்கள் வீசி 27 ரன்களை மட்டும் விட்டுக்கொடுத்து 4 விக்கெட்களை கைப்பற்றி அசத்தினார். டிரன்ட் போல்ட் 2 விக்கெட்களையும், க்ருனால் பாண்டியா ஒரு விக்கெட்களையும் வீழ்த்தினார்கள்.

Be the first to comment on "பட்டையக் கிளப்பிய மும்பை பௌலர்கள்…கொல்கத்தா அதிர்ச்சி தோல்வி!"

Leave a comment

Your email address will not be published.