நோபால் கைகொடுத்ததால் வென்ற சிஎஸ்கே; பிளே ஆஃப் வாய்ப்பை நழுவ விடும் கொல்கத்தா நைட் ரைடர்ஸ்!

ஐபிஎல் 13ஆவது சீசன் 49ஆவது லீக் போட்டியில் சென்னை சூப்பர் கிங்ஸ் அணி, கொல்கத்தா நைட் ரைடர்ஸ் அணியை 6 விக்கெட்கள் வித்தியாசத்தில் வீழ்த்தியது.

சென்னை சூப்பர் கிங்ஸ் வெற்றிபெற கடைசி 8 பந்துகளுக்கு 23 ரன்கள் தேவைப்பட்டது. அப்போது, லோக்கி ஃபெர்குசன் நோ-பால் வீச ஜடேஜா இரண்டு ரன்கள் எடுத்தார். ப்ரீஹிட் பந்தில் சிக்ஸர் விளாசி, தொடர்ந்து அடுத்த பந்தில் பவுண்டரி அடித்து சென்னை அணியின் வெற்றிவாய்ப்பை அதிகப்படுத்தினார். கடைசி ஓவரை கமலேஷ் நாகர்கோடி வீசியபோது, இரண்டு பந்துகளுக்கு 7 ரன்கள் தேவைப்பட்டது. ரவிந்திர ஜடேஜா 2 சிக்ஸர்கள் விளாசி சென்னை அணிக்கு வெற்றியைத் தேடித் தந்தார்.

சிஎஸ்கே வெற்றிபெற்ற நிலையில், கொல்கத்தா நைட் ரைடர்ஸ் அணியின் பிளே ஆஃப் கனவுக்கு ஆபத்து ஏற்பட்டுள்ளது.

13 போட்டிகளில் 6 வெற்றிகளை மட்டுமே பெற்றுள்ளதால் கிங்ஸ் லெவன் பஞ்சாப், ராஜஸ்தான் ராயல்ஸ் அணிகளுக்கு பிளே ஆஃப் செல்லும் வாய்ப்பு அதிகரித்துள்ளது. வருண் சக்கரவர்த்தி நான்கு ஓவர்கள் வீசி 2/20 ரன்களை மட்டுமே விட்டுக்கொடுத்தார். சுனில் நரைனும் சிறப்பாக பந்துவீசியதால் சென்னை அணிக்கு நெருக்கடி ஏற்பட்டது. இருப்பினும், ருதுராஜ் கெய்க்வாட் ஸ்பார்க்கை வெளிப்படுத்தி அதிரடியாக ரன்களை குவித்தார்.

கடைசியாகப் பெங்களூர் அணிக்கு எதிராக 65* ரன்கள் எடுத்து, கொல்கத்தாவுக்கு எதிராக 53 பந்துகளில் 72 ரன்கள் விளாசினார். மகேந்திரசிங் தோனி சிறப்பான ஆட்டத்தை வெளிப்படுத்த முடியாமல் வருண் சக்கரவர்த்தி பந்தில் போல்ட் ஆனார். அடுத்துக் களமிறங்கிய சாம் கரனும் திணறியதால், ருதுராஜ் கெய்க்வாட்டிற்கு கூடுதல் நெருக்கடி ஏற்பட்டது.

இதனால், அவர் ஆட்டமிழந்ததை எடுத்து ரவிந்திர ஜடேஜா அற்புதமான இன்னிங்ஸ் விளையாடி 11 பந்துகளில் 31 ரன்கள் குவித்து சிஎஸ்கேவை வெற்றிப்பாதைக்கு அழைத்துச் சென்றார். பௌலிங்கை பொறுத்தவரை ஸ்பின்னர்கள் நம்பிக்கையளிக்கும் வகையில் செயல்பட்டனர். கொல்கத்தா அணியில் முதல் நான்கு வரிசை வீரர்கள் இடது கை பேட்ஸ்மேன்களாக இருந்தபோதும் ஜடேஜா, மிட்செல் சான்ட்னர், கரண் ஷர்மா ஆகியோர் சிறப்பாகப் பந்துவீசினர்.

இந்நிலையில், நிதிஷ் ராணா சிறப்பான ஆட்டத்தை வெளிப்படுத்தியதால், அவரை வீழ்த்த முடியாமல் பௌலர்கள் திணறினர். இவருக்கு ஒரு பந்தைக்கூட உடம்பிற்கு நேராக ஷார்ட் பால் வீசவில்லை. அதேபோல், யார்க்கரும் அரிதாக மட்டுமே வீசினர். இதனால், ராணா 61 பந்துகளில் 87 ரன்கள் குவித்து கொல்கத்தா நைட் ரைடர்ஸ் அணியின் ஸ்கோரை உயர்த்தினார்.

Be the first to comment on "நோபால் கைகொடுத்ததால் வென்ற சிஎஸ்கே; பிளே ஆஃப் வாய்ப்பை நழுவ விடும் கொல்கத்தா நைட் ரைடர்ஸ்!"

Leave a comment

Your email address will not be published.