மிர்பூர்: வங்கதேசத்தில் சுற்றுப்பயணம் மேற்கொண்டுள்ள இந்திய மகளிர் அணி 3 போட்டிகள் கொண்ட ஒரு நாள் தொடரில் பங்கேற்று விளையாடி வருகிறது. இதில் ஏற்கனவே நடந்து முடிந்த முதலாவது ஒருநாள் போட்டியில் 40 ரன்கள் வித்தியாசத்தில் இந்திய அணி தோல்வியைத் தழுவியது மட்டுமின்றி, மகளிர் ஒருநாள் கிரிக்கெட் வரலாற்றிலேயே இந்திய அணி வங்கதேசத்திடம் வீழ்வதும் இதுவே முதல் முறையாகும். 

இந்நிலையில் புதன்கிழமையான இன்று இரண்டாவது மகளிர் ஒருநாள் போட்டி மிர்பூரில் நடைபெறவிருக்கிறது. முதலாவது ஒருநாள் போட்டியில் தோல்வியைத் தழுவிய இந்திய மகளிர் அணி இக்கட்டான இச்சூழ்நிலையை சமாளிக்க மெதுவான மேற்பரப்பில் விளையாடுவதற்கான வழியைக் கண்டுபிடிக்க வேண்டும்.

சுழற்பந்துவீச்சாளர்களில் குறிப்பாக லெக் பிரேக் பந்துவீச்சாளர்கள், வங்கதேச சுற்றுப்பயணத்தின் போது பல சிரமங்களை மேற்கொண்டனர். அதேசமயம் வங்கதேச அணிக்கு எதிரான முதலாவது ஒருநாள் போட்டிகளில் தோல்வியை சந்தித்ததை தொடர்ந்து, கடந்த ஞாயிற்றுக்கிழமையன்று வேகப்பந்துவீச்சாளர் மருஃபா அக்டரிடம் பேச்சுவார்த்தை நடத்த கடினமாக இருந்தது.

மறக்கமுடியாத இந்த வெற்றியின் மூலம் வங்கதேச அணி தற்போது இந்தியாவுக்கு எதிரான ஒருநாள் தொடரை நிச்சயம் வெற்றி பெறும் என்ற நம்பிக்கையை பெற்றுள்ளது. அதேசமயம் அடுத்த ஆண்டு வங்கதேசத்தில் நடைபெறவிருக்கும் உலகக்கோப்பை தொடரில், பந்து பேட்டில் வராத பிட்ச்களில் ரன்களை எவ்வாறு குவிப்பது என்பதை இந்திய மகளிர் அணி கற்றுக்கொள்ள வேண்டும்.

இருப்பினும் டி20 தொடரை இந்தியா கைப்பற்றியிருந்தாலும், சுற்றுப்பயணத்தின் போது இது ஒரு அதிர்ச்சி தோல்வியாக உள்ளது. குறிப்பாக ஸ்டார் பேட்டர் ஸ்மிருதி மந்தனாவின் ஆட்டம் பெரும் ஏமாற்றத்தை அளித்தது. ஒருநாள் தொடரின் தொடக்க ஆட்டக்காரராக ஷஃபாலி வர்மாவுக்கு பதிலாக பிரியா புனியாவும் தனது மறுபிரவேசத்தில் சிரமப்பட்டார்.

யாஸ்திகா பாட்டியா மற்றும் ஜெமிமா ரோட்ரிக்ஸ் ஆகிய இருவரும் ஸ்ட்ரைகில் மிகவும் சிரமப்பட்டதால், அவர்கள் கூடுதல் அழுத்தத்திற்கு உள்ளாகினர். மேலும் பவுண்டரிக்கு அடிக்க வீராங்கனைகள் திணறி வந்த நிலையில், ரிச்சா கோஷும் அணியில் இடம்பெறாததால் ஃபினிஷர் ரோலுக்கு யாரும் முன்னேறவில்லை.

இப்போட்டியில் சிறப்பாக பந்துவீசிய அமன்ஜோத் கவுர், பேட்டிங்கிலும் தாக்கத்தை ஏற்படுத்த ஒரு நல்ல வாய்ப்பைப் பெற்றுள்ளார், குறிப்பாக இந்தியாவுக்கு மிகவும் தேவையான பினிஷிங் வாய்ப்பை பெற வாய்ப்புள்ளது. இந்நிலையில் பேனிக் பட்டனை அழுத்த வேண்டிய அவசியம் இல்லை என பந்துவீச்சு பயிற்சியாளர் ரஜிப் தத்தா தெரிவித்துள்ளார். மேலும் இதுகுறித்து அவர் கூறுகையில், ” ஏமாற்றம் அடையத் தேவையில்லை. அணி விரும்பியபடி தனது திட்டங்களைச் செயல்படுத்தவில்லை. அடுத்த ஆண்டு நடைபெறவிருக்கும் உலகக் கோப்பை தொடரின் போது அணியில் சிறந்த மாற்றங்களை நாம் பார்க்கலாம்” இவ்வாறு அவர் கூறினார்.

தொடரின் தொடக்க ஆட்டத்தில் இந்திய மகளிர் அணி 19 வைடு பந்துகளை வீசியது குறித்து எழுப்பப்பட்ட கேள்விக்கு பதிலளித்த ரஜிப் தத்தா,” நான்கு மாதங்களுக்குப் பிறகு மகளிர் அணி விளையாடுகிறார்கள். எனவே வைடு பந்துகளை வீசுவது ஒரு பெரிய பிரச்சினை இல்லை.நாங்கள் அதை சரிசெய்வோம்”என்று அவர் தெரிவித்தார்.