டெஸ்ட் அணியில் ரோஹித் ஷர்மா சேர்ப்பு… விராட் கோலிக்கு என்ன ஆச்சு?

ஆஸ்திரேலியாவுக்கு எதிரான கடைசி மூன்று டெஸ்ட் போட்டிகளில் விராட் கோலிக்குப் பதிலாக ரோஹித் ஷர்மா சேர்க்கப்பட்டுள்ளதாக பிசிசிஐ அறிவித்துள்ளது.

ஐபிஎல் 13ஆவது சீசன் முடிந்தவுடன் இந்திய அணி வீரர்கள் தாயகம் திரும்பாமல் ஆஸ்திரேலியா சென்று கிரிக்கெட் தொடர்களில் பங்கேற்க உள்ளனர். இதற்கான இந்திய அணி சில நாட்களுக்கு முன்பு அறிவிக்கப்பட்டது. அதில், இடது கால் தொடைப் பகுதியில் காயத்தால் அவதிப்பட்டு வந்த ரோஹித் ஷர்மாவின் பெயர் இடம்பெறவில்லை. அவர் காயத்திலிருந்து குணமடைந்தால் இந்திய அணியில் சேர்த்துக்கொள்வோம் என பிசிசிஐ அறிவித்திருந்தது. இந்நிலையில், காயத்திலிருந்து குணமடைந்து ரோஹித் ஷர்மா கடந்த சில ஐபிஎல் போட்டிகளில் பங்கேற்றார். இதனால், அவர் ஆஸ்திரேலிய சுற்றுப்பயணத்தில் இடம்பெறுவது உறுதி எனக் கருதப்பட்ட நிலையில், கடைசி மூன்று டெஸ்ட் போட்டிகளில் விராட் கோலிக்குப் பதிலாக ரோஹித் ஷர்மா சேர்க்கப்பட்டுள்ளார்.

விராட் கோலி சமீபத்தில் அளித்த பேட்டியில், மருத்துவ பாதுகாப்பு வட்டத்திற்குள் இருந்து பல நாட்களாக கிரிக்கெட் போட்டிகளில் விளையாடுவது மன அழுத்தத்திற்கு வழி வகுக்கும் எனத் தெரிவித்திருந்தார். அதனைத் தொடர்ந்து பிசிசிஐக்கும் ஒரு கடிதம் எழுதியுள்ளார். அதில், ஆஸ்திரேலியாவுக்கு எதிரான முதல் டெஸ்ட் போட்டியில் மட்டுமே என்னால் பங்கேற்க முடியும். அடுத்த மூன்று போட்டிகளின்போது இந்தியா திரும்ப அனுமதிக்க வேண்டும் எனக் குறிப்பிட்டிருந்தார். இதுகுறித்து பரிசீலித்த பிசிசிஐ, தற்போது கடைசி மூன்று டெஸ்ட் போட்டிகளில் கோலிக்குப் பதிலாக ரோஹித் ஷர்மாவை சேர்த்துள்ளது. முதல் டெஸ்ட் போட்டி அடிலெய்டு மைதானத்தில் பகலிரவு ஆட்டமாக நடைபெறவுள்ளது குறிப்பிடத்தக்கது.

ஆஸ்திரேலிய சுற்றுப் பயணத்தில் மேலும் ஒரு மாற்றம் செய்யப்பட்டுள்ளது. டி20 அணியில் இடம்பெற்றிருந்த தமிழகத்தைச் சேர்ந்த வருண் சக்கரவர்த்தி தோள்பட்டை காயத்தால் அவதிப்பட்டு வருவதால், நடராஜன் சேர்க்கப்பட்டுள்ளார். மேலும், விருத்திமான் சாஹா, கமலேஷ் நாகர்கோடி போன்றவர்களும் காயம் காரணமாகச் சிகிச்சை பெற்று வருகின்றர். இதனால், இவர்களைத் தொடரிலிருந்து நீக்கிவிட்டு மாற்று வீரர்களைத் தேர்வுசெய்ய பிசிசிஐ ஆலோசித்து வருவதாகத் தகவல் வெளியாகியுள்ளது.

டெஸ்ட் போட்டிக்கான அணி:

  1. விராட் கோலி, 2. ரோகித் சர்மா, 3. மயங்க் அகர்வால், 4. பிரித்வி ஷா, 5. கேஎல் ராகுல், 6. புஜாரா, 7. ரகானே, 8. ஹனுமா விஹாரி, 9. ஷுப்மான் கில், 10, சகா, 11. ரிஷப் பண்ட், 12. பும்ரா, 13. முகமது ஷமி, 14. உமேஷ் யாதவ், 15. நவ்தீச் சைனி, 16, குல்தீப் யாதவ், 17. ஜடேஜா, 18. ஆர்.அஸ்வின், 19. முகமது சிராஜ்.

Be the first to comment on "டெஸ்ட் அணியில் ரோஹித் ஷர்மா சேர்ப்பு… விராட் கோலிக்கு என்ன ஆச்சு?"

Leave a comment

Your email address will not be published.


*