டெத் ஓவர்களில் மாஸ் காட்டிய மும்பை…ஹைதராபாத் அதிர்ச்சி தோல்வி!

நடப்பு ஐபிஎல் தொடரின் 9ஆவது ஆட்டத்தில் ரோஹித் ஷர்மா தலைமையிலான மும்பை இந்தியன்ஸ் அணியும், டேவிட் வார்னர் தலைமையிலான சன்ரைசர்ஸ் ஹைதராபாத் அணியும் நேற்று மோதின. டாஸ் வென்ற மும்பை அணி முதலில் பேட்டிங் செய்தது. துவக்க வீரர்களான ரோஹித் ஷர்மாவும் குயிண்டன் டிகாக்கும் சிறப்பான துவக்கம் தந்தனர். இந்த ஜோடி முதல் விக்கெட்டுக்கு 55 ரன்கள் சேர்த்த நிலையில்  ரோஹித் ஷர்மா 32 ரன்களுக்கு அவுட் ஆனார்.

ரோஹித் ஷர்மாவை வெளியேற்றி அதிர்ச்சியளித்த விஜய் ஷங்கர் சிறிது நேரத்திலேயே சூர்யகுமார் யாதவையும் அவுட் ஆக்கி மேலும் ஷாக் கொடுத்தார். டிகாக்கும் இஷான் கிஷனும் விக்கெட்டை இழக்காமல் மிகவும் நிதானமாக விளையாடினர். 39 பந்துகளில் 40 ரன்கள் எடுத்திருந்த டிகாக் 14ஆவது ஓவரில் வெளியேறினார். மிக மோசமாக விளையாடிய இஷான் கிஷன் 21 பந்துகளில் வெறும் 12 ரன்களுக்கு ஆட்டமிழந்தார். பொல்லார்டு தவிர மற்ற பின்வரிசை வீரர்கள் ரன் குவிக்க சிரமப்பட்டனர்.

மும்பை அணி தனது 20 ஓவர்களில் 5 விக்கெட் இழப்புக்கு 150 ரன்கள் எடுத்தது. கடைசி நேரத்தில் கெய்ரான் பொல்லார்டு அதிரடியாக விளையாடி 35 ரன்கள் எடுத்ததால் ஓரளவுக்கு கௌரவமான ஸ்கோரை மும்பை அணி எட்டியது. ஹைதராபாத் அணியில் சிறப்பாகப் பந்துவீசிய விஜய் ஷங்கரும், முஜிபுர் ரகுமானும் தலா 2 விக்கெட் வீழ்த்தினர்.

இலக்கைத் துரத்திய் ஹைதராபாத் அணியில் டேவிட் வார்னர், ஜானி பேர்ஸ்டோ இருவரும் சிறப்பான துவக்கம் தந்தனர். பேர்ஸ்டோ அதிரடியாக விளையாடி 43 (22) ரன்கள் சேர்த்து ஸ்டெம்பை மிதித்து ஆட்டமிழந்தார். அடுத்து டேவிட் வார்னர் 36 (34) எதிர்பாராத விதமாக ரன்அவுட் ஆகி பெவிலியன் திரும்பினார்.

Be the first to comment on "டெத் ஓவர்களில் மாஸ் காட்டிய மும்பை…ஹைதராபாத் அதிர்ச்சி தோல்வி!"

Leave a comment

Your email address will not be published.