இலங்கைக்கு எதிரான 2வது டெஸ்ட் போட்டியின் பிங்க் பந்தில் இந்தியா க்ளின் ஸ்வீப் செய்யவுள்ளது.

www.indcricketnews.com-indian-cricket-news-053

நியூ டெல்லி: இலங்கைக்கு எதிரான இரண்டு போட்டிகள் கொண்ட டெஸ்ட் தொடரின் முதல்போட்டியில் இன்னிங்ஸ் மற்றும் 222 ரன்கள் வித்தியாசத்தில் வெற்றிபெற்ற இந்திய அணி 1-0 என முன்னிலை வகிக்கிறது. இதில் உலகின் முன்னணி ஆல்-ரவுண்டர் ரவீந்திர ஜடேஜா ஆட்டமிழக்காமல் 175 ரன்கள் எடுத்தார் .அதுமட்டுமின்றி ரோகித் ஷர்மாவின் தலைமையிலான முதல்டெஸ்ட் போட்டியில் ஜடேஜா 9 விக்கெட்டுகளை கைப்பற்றி அசத்தினார்.

இதனையடுத்து இரண்டாவது டெஸ்ட் போட்டி  வரும் 12ம் தேதி முதல் பெங்களூருவில் பகலிரவு டெஸ்ட் போட்டியாக நடக்கவுள்ளது. இந்நிலையில் ரோஹித் ஷர்மா பற்றி ஆஃப் ஸ்பின்னர் அஷ்வின் கூறுகையில், “ரோகித் எவ்வளவு தந்திரோபாயத்தில் வலிமையானவர், எவ்வளவு நல்லவர் என்பது அனைவருக்கும் தெரியும். வீரர்களின் உணர்வும் ,அவர்களின் நம்பிக்கையும் மிகவும் முக்கியமென்று அணியில் உள்ள அனைவரையும் நன்கு கவனித்துக்கொண்டார். ” என்று கூறினார்.

கடந்த 2020 டிசம்பரில் அடிலெய்டு ஓவல் மைதானத்தில் , ஆஸ்திரேலிய அணியை 36 ரன்களுக்கு ஆட்டமிழக்கச் செய்ததுதான் இந்தியாவின் குறைந்த டெஸ்ட் ஸ்கோராகும்.

அதேபோல கடந்த ஆண்டு பிப்ரவரி மாதம் அகமதாபாத்தில் உள்ள உலகின் மிகப்பெரிய கிரிக்கெட் ஸ்டேடியத்தில் இங்கிலாந்தை இரண்டு நாட்களில் வீழ்த்தியதன் மூலம் இந்தியா  ஃப்ளட்லைட் டெஸ்டில் வெற்றிபாதைக்கு திரும்பியது.

 இதைத்தொடர்ந்து முதல்டெஸ்ட் போட்டியில் இலங்கையை வீழ்த்தியது போலவே இம்முறையும் இந்தியா செயல்படும் என்று அனைவராலும் எதிர்பார்க்கப்படுகிறது.ஆனால் பகல்-இரவு டெஸ்ட் போட்டிகள் கணிக்க முடியாதவை என்று அஷ்வின் எச்சரித்துள்ளார்.

இதுகுறித்து மேலும் கூறுகையில்,”பிங்க்-பால் டெஸ்டுக்கு தயாராவது மிகவும் கடினம். ஏனென்றால் என்ன எதிர்பார்க்க வேண்டும் என்று யாருக்கும் தெரியாது.நாங்கள் இதுவரை மூன்று பிங்க்-பால் டெஸ்டில் விளையாடியுள்ளோம், அதில் ஒவ்வொன்றும் எங்களுக்கு வித்தியாசமான பாடத்தைக் கற்றுக் கொடுத்துள்ளன. இப்போட்டியில் வெளிச்சம் முக்கியமானதாக இருக்கிறது.  எனவே முந்தைய ஆட்டத்தில் இருந்து நம்பிக்கையை எடுத்துக்கொண்டு சவாலை எதிர்நோக்குகிறோம். ” என்று  இந்திய கிரிக்கெட் கட்டுப்பாட்டு வாரியத்தின் இணையதளத்தில் அஷ்வின் கூறினார்.

மேலும் 11 விக்கெட்டுகளுடன் இங்கிலாந்துக்கு எதிரான வெற்றியில் விளையாடிய இடதுகை சுழற்பந்துவீச்சாளர் அக்சர் படேல், குல்தீப் யாதவுக்கு பதிலாக அணியில் சேர்க்கப்பட்ட பின்னர் பெங்களூரின் எம் சின்னசாமி ஸ்டேடியத்தில் லெவன் அணியில் இடம்பெற வாய்ப்புள்ளது.

ஆனால் இலங்கை அணியை பொறுத்தவரை வெளிநாட்டு மண்ணில் விளையாடிய 3 ஆட்டங்களில் இரண்டில் வெற்றியும், ஒரு பகல்-இரவு டெஸ்டில் தோல்வியும் கண்டுள்ளது. இந்நிலையில், இலங்கை கிரிக்கெட் வீரராக மாறிய வர்ணனையாளர் ரசல் அர்னால்ட் கூறுகையில், “எதிரணி வீழ்ந்தால் அல்லது விளையாட வாய்ப்பளித்தால் நீங்கள் விளையாடுகிறீர்கள். ஆனால் எதிரணி உங்களை பின்னுக்குத் தள்ளினால், நீங்கள் எதிர்த்துப் போராடமாட்டீர்கள்.அதைத்தான் இதுவரை நான் இலங்கை கிரிக்கெட்டில் பார்க்கிறேன், அதுதான் அணுகுமுறைக்கு வரும்” என்று கிரிக்கெட்.காமில் தெரிவித்துள்ளார்.