இந்திய அணியில் மீண்டும் நடராஜன்: கோலியை கொண்டாடும் ரசிகர்கள்!

indian-t20-squad-for-the-series-against-england-has-been-announced-t-natarajan-got-chance
indian-t20-squad-for-the-series-against-england-has-been-announced-t-natarajan-got-chance

இங்கிலாந்து அணிக்கு எதிரான இந்திய டி20 அணி அறிவிக்கப்பட்டுள்ளது.

இந்தியா, இங்கிலாந்து இடையிலான முதல் இரண்டு டெஸ்ட் போட்டிகள் சென்னையில் நடைபெற்று முடிந்துள்ளன. அடுத்த இரண்டு போட்டிகள் அகமதாபாத்தில் துவங்கவுள்ளது.

இத்தொடர் முடிந்த பிறகு 5 போட்டிகள் கொண்ட டி20 தொடர் அதே அகமதாபாத்தில் நடைபெறும். இதில் பங்கேற்கும் வீரர்கள் பட்டியலை தற்போது இந்திய அணி அறிவித்துள்ளது. இதில், தமிழக வீரர்கள் நடராஜன், வருண் சக்ரவர்த்தி, வாஷிங்டன் சந்தர் போன்றவர்களுக்கு வாய்ப்பு கொடுக்கப்பட்டுள்ளது. மேலும் சூர்ய குமார் யாதவ், ராகுல் தேவத்தியா, இஷான் கிஷன் போன்ற புது முகங்களுக்கும் அணியில் இடம் கிடைத்துள்ளது. ஐபிஎல் தொடரில் மும்பை இந்தியன்ஸ் அணிக்காக விளையாடிய சூர்யகுமார் யாதவ், சிறப்பாக விளையாடி ரன் மழை பொழிந்தார். ஒருமுறை ராயல் சேலஞ்சர்ஸ் பெங்களூர் அணிக்கு எதிராக விளையாடியபோது விராட் கோலிக்கும், சூர்யகுமாருக்கும் இடையில் சிறு மோதல் உருவானது. இதனால், சூர்யகுமார் யாதவிற்கு இந்திய அணியில் இனி இடம் கிடைக்காது என பலர் கருத்து தெரிவித்தனர். இதை மெய்பிக்கும் வகையில் ஆஸ்திரேலிய சுற்றுப் பயணத்தின்போது சூர்யகுமார் பெயர் இடம்பெறவில்லை. இதனால், கோலி எதிர்மறை விமர்சனங்களுக்கு உள்ளானார்.

இந்நிலையில் தற்போது இங்கிலாந்துக்கு எதிரான டி20 தொடரில் சூர்யகுமாரின் பெயர் சேர்க்கப்பட்டுள்ளது. ‘இதுதான் கோலி, விமர்சகர்களை யாராவது பாத்திங்களா’ என ரசிகர்கள் ட்விட்டரில் பதிவிட்டு வருகின்றார்கள். ‘இளம் வீரர்களை வளர்த்துவிட வேண்டும் என்பதுதான் கோலியின் கனவு. சூர்யகுமார் யாதவுடன் பிரச்சினை எதுவும் இல்லைனு கோலியே சொல்லிருக்கார். இதனால், இங்கிலாந்துக்கு எதிரான தொடரில் சூர்யகுமார் யாதவின் பெயர் இடம்பெற்றதில் ஆச்சரியம் ஏதுமில்லை’ எனவும் சிலர் கருத்து தெரிவித்து வருகின்றனர். மற்றொரு இளம் வீரர் இஷான் கிஷான், நேற்று நடைபெற்ற விஜய் ஹசாரே தொடரின் லீக் போட்டியில் ஜார்கண்ட் அணிக்காக துவக்க வீரராகக் களம் கண்டு 94 பந்துகளில் 173 ரன்கள் குவித்தார். இவர் இங்கிலாந்துக்கு எதிரான தொடரிலும் அதிரடி காட்டுவார் எனக் கணிக்கப்பட்டுள்ளது. ராகுல் தேவத்தியாவும் ஐபிஎல் தொடரில் அதிரடி காட்டினார் என்பது குறிப்பிடத்தக்கது.

காயத்தால் அவதிப்பட்டு வந்த வேகப்பந்து வீச்சாளர் புவனேஷ்வர் குமார் அணிக்குத் திரும்பியுள்ளார். ரோஹித் ஷர்மா, ஷிகர் தவன், கே.எல்.ராகுல், ஹார்திக் பாண்டியா, ரிஷப் பந்த் போன்ற ரெகுலர் வீரர்களும் அணியில் சேர்க்கப்பட்டுள்ளார்கள். இந்திய டி20 அணி: விராட் கோலி (கேப்டன்), ரோஹித் ஷர்மா, கே.எல்.ராகுல், ஷிகர் தவன், ஷ்ரேயஸ் ஐயர், சூர்யகுமார் யாதவ், ஹார்திக் பாண்டியா, ரிஷப் பந்த், இஷான் கிஷன், யுஷ்வேந்திர சஹல், வருண் சக்ரவர்த்தி, அக்ஷர் படேல், வாஷிங்டன் சுந்தர், ராகுல் தேவத்தியா, டி நடராஜன், புவனேஸ்வர் குமார், தீபக் சாஹர், நவ்தீப் சைனி, ஷர்துல் தாகூர்.

Be the first to comment on "இந்திய அணியில் மீண்டும் நடராஜன்: கோலியை கொண்டாடும் ரசிகர்கள்!"

Leave a comment

Your email address will not be published.